દુબઇ, તા. 6 : ઓવલ ટેસ્ટમાં શાનદાર બોલિંગ
કરી ભારતને ઇંગ્લેન્ડ વિરુદ્ધ 6 રને યાદગાર
વિજય અપાવનાર ઝડપી બોલર મોહમ્મદ સિરાજ નવા આઇસીસી ક્રમાંકમાં કારકિર્દીના શ્રેષ્ઠ 1પ નંબર પર પહોંચ્યો છે. તેણે આખરી ટેસ્ટમાં
190 રનમાં 9 વિકેટ લીધી હતી. બીજી તરફ પ ટેસ્ટની શ્રેણીમાં
7પ4 રન કરવા છતાં ભારતીય કપ્તાન શુભમન ગિલ ટેસ્ટ બેટિંગ ક્રમાંકમાં
ટોપ ટેનમાંથી બહાર થયો છે. ઓવલ ટેસ્ટની બન્ને ઇનિંગ્સમાં તે રન કરી શક્યો ન હતો. જેનું
નુકસાન સહન કરવું પડયું છે. જ્યારે ઓવલ ટેસ્ટની સદીનું યશસ્વી જયસ્વાલને ઇનામ મળ્યું
છે અને તે ટોચના પાંચ બેટધરમાં સામેલ છે. આખરી ટેસ્ટ ગુમાવનાર જસપ્રિત બુમરાહ પહેલા
સ્થાને ટકી રહ્યો છે. સિરાજના નામે ઇંગ્લેન્ડ સામેની શ્રેણીમાં કુલ 23 વિકેટ રહી છે. નવા આઇસીસી ટેસ્ટ
બોલિંગ ક્રમાંકમાં તેને 12 સ્થાનનો ફાયદો
થયો છે અને 1પમા ક્રમે પહોંચી ગયો છે. તેનો સાથી બોલર
પ્રસિદ્ધ કૃષ્ણા પણ કારકિર્દીના શ્રેષ્ઠ પ9મા ક્રમે પહોંચ્યો છે. ઇંગ્લેન્ડના ગસ એટકિંસન ઓવલ ટેસ્ટમાં
8 વિકેટ લઇને તે પહેલીવાર ટોપ ટેનમાં સામેલ
થયો છે. તે સ્ટાર્ક સંયુક્તરૂપે 10મા નંબર પર
છે. બુમરાહ, રબાડા અને કમિન્સ ટોચના
3 બોલર છે. બુમરાહ સિવાય અન્ય કોઇ ભારતીય
બોલર ટોપ ટેનમાં સામેલ નથી. ટેસ્ટ બેટિંગ ક્રમાંકમાં ઈંગ્લેન્ડના જો રૂટ અને હેરી બ્રુક
પહેલા-બીજા સ્થાને છે. કેન વિલિયમ્સન ત્રીજા નંબર પર છે.
