ગાંધીધામ, તા. 16 : ભચાઉના હિંમતપુરામાં ઘરની બહાર જાહેરમાં
ગંજીપાનાનો જુગાર રમતા ત્રણ શખ્સને પોલીસે રોકડ સાથે ઝડપી પાડયા હતા. ભચાઉ પોલીસ
પેટ્રાલિંગમાં હતી એ દરમિયાન આરોપી સમીર દાઉદ ફકીરનાં મકાનની આગળના ભાગે જાહેરમાં
જુગાર રમાતો હોવાની બાતમી મળી હતી. પોલીસે આરોપી અલ્પેશ ભાવસંગજી ઠાકોર, રફીક ઉમર અને સમીર સહિત
ત્રણેયને ઝડપી પાડ્યા હતા. આ કાર્યવાહી દરમ્યાન રૂપિયા 31,500 તથા
બે મોબાઇલ સહિત કુલ રૂા. 51,500નો મુદ્દામાલ કબજે કરાયો હતો.
પોલીસે વધુ તપાસ હાથ ધરી છે.
