કચ્છમાં પાછા ફરો, ઘર અને ગામ તમારી રાહ જુએ છે

અર્પિત ગંગર દ્વારા : મુંબઈ, તા. 21 : કચ્છ નહીં દેખા તો કુછ નહીં દેખા... એક મુખ્ય પર્યટન સ્થળ હોવા ઉપરાંત, કચ્છ વ્યક્તિઓને સ્થાયી થવા અને શાંતિપૂર્ણ તથા સ્વસ્થ જીવન જીવવા માટે અસંખ્ય તકો પણ પ્રદાન કરે છે. વિદેશોની જેમ કચ્છમાં પણ ઘણી તકો છે, જેના વિશે આપણે સંપૂર્ણપણે જાણતા નથી. વિદેશમાં જઈને ત્યાં સ્થાયી થવાને બદલે શા માટે આપણા પોતાના સમુદાયમાં યોગદાન ન આપવું ? આપણા મૂળને સાચવવા અને કચ્છના વિકાસ માટે કામ ન કરવું ?  આ વિઝન સાથે જૈન યૂથ ફોરમ (જેવાયએફ), કચ્છમિત્ર અને કચ્છ કોર્પોરેટ ફોરમ (કેસીએફ), ફોકીઆ અને ગાંધીધામ ચેમ્બર ઓફ કોમર્સના સહયોગથી 19 એપ્રિલના ભારતીય વિદ્યા ભવન, મુંબઈ ખાતે `યુ-ટર્ન ટુ કચ્છ' માટે પ્રી-જોબ ફેર સેમિનારનું આયોજન કરાયું હતું, જેમાં 700થી વધુ લોકો જોડાયા હતા.કચ્છમાં સ્થાયી થવામાં લોકોને મદદ કરવાના મુખ્ય હેતુ સાથે 2010માં  જેવાયએફની સ્થાપના કરવામાં આવી હતી. સૌરાષ્ટ્ર ટ્રસ્ટના ટ્રસ્ટી અને જાણીતા ઉદ્યોગપતિ સંજયભાઈ એન્કરવાલા તેમજ કચ્છ કોર્પોરેટ ફોરમના પ્રમુખ મુકેશ દેઢિયાની વિશેષ ઉપસ્થિતિ હતી. - કચ્છ બધું જ પ્રદાન કરે છે : સૌરાષ્ટ્ર ટ્રસ્ટના મેનેજીંગ  ટ્રસ્ટી અને જેવાયએફના સ્થાપક હાર્દિકભાઈ મામણિયાએ શ્રોતાઓને સંબોધતાં કહ્યું હતું કે, શિક્ષણ, આરોગ્ય સંભાળ, નોકરીઓ અને રહેઠાણ એ ચાર જરૂરિયાતો છે, જે વ્યક્તિને ગમે ત્યાં સ્થાયી થવા માટે જરૂરી છે અને કચ્છ તે બધું જ પ્રદાન કરે છે. જેવાયએફ દ્વારા કચ્છમાં 412 પરિવારને સ્થાયી કરવામાં આવ્યા છે. કચ્છથી પરત ફરતા પરિવારોનો ગુણોત્તર 10 ટકા કરતાં ઓછો છે, જે એક મોટી સફળતા છે. જેવાયએફ દ્વારા કચ્છમાં સ્થાયી થનારા પ્રથમ વ્યક્તિ શ્રી જય સાવલા હતા. જેવાયએફમાં અમારું લક્ષ્ય દર મહિને કચ્છમાં ઓછામાં ઓછા 50 પરિવારને સ્થાયી કરવાનું છે. - લેન્ડ બેંકથી કચ્છની જમીનોના મૂલ્યનું રક્ષણ થશે : લેન્ડ બેંક નામનો ખ્યાલ ટૂંક સમયમાં રજૂ કરવામાં આવશે. લેન્ડ બેંક અભિયાન `આપણા મૂળને સુરક્ષિત કરો'ના સૂત્ર સાથે શરૂ કરવામાં આવશે. મુખ્ય ફિલોસોફી `તમારી જમીન, તમારી શક્તિ, આપણું ગૌરવ' છે. હાર્દિક ભાઈએ લેન્ડ બેંક વિશે સમજાવતાં કહ્યું હતું, તમારા ગામમાં અગર તમારી જમીન હોય તો જમીન બેંક થકી તમને ખબર પડે કે કોઈ કંપનીઓને અગર જમીન લેવી હોય તો તમે લીઝ પર આપ શકો. એક ગામમાં ઘણા બધા લોકોની જમીનને લીઝ પર આપ શકાશે. આ લેન્ડ બેંક જેવાયએફ દ્વારા કચ્છમાં કવીઓ સમુદાયની પૂર્વજોની જમીનોના મૂલ્યનું રક્ષણ અને વધારો કરવા માટે એક પહેલ છે. આ ખ્યાલ આયર્લેન્ડ અને નેધરલેન્ડ જેવા દેશોમાં પહેલાંથી જ લોકપ્રિય છે. - વિવિધ ક્ષેત્રના અગ્રણીઓએ કચ્છમાં ઉપલબ્ધ તકો પર પ્રકાશ પાડયો : કચ્છમાં ઉપલબ્ધ તકો પર પ્રકાશ પાડવા અને આંતરદૃષ્ટિ શેર કરવા માટે વિવિધ ક્ષેત્રોના કુલ 10 વક્તાને આમંત્રિત કરવામાં આવ્યા હતા. તેની સુવિધાઓ અને ઇકોસિસ્ટમને સમજ્યા વિના કોઈ જગ્યાએ સ્થાયી થવું યોગ્ય નથી. શિક્ષણ, આરોગ્યસંભાળ, માળખાગત સુવિધાઓ, એમએસએમઈસ અને અન્ય ક્ષેત્રોમાં ઊંડી સમજ આપવા માટે આ વ્યાવસાયિકોને કચ્છથી મુંબઈ આમંત્રિત કરવામાં આવ્યા હતા. - `પરત આપવાના સિદ્ધાંત'થી જ ખરા અર્થમાં સફળ થવાશે : અશોક ભાઈ શાહ (જોબ ફેર અને કચ્છ કોર્પોરેટ ફોરમના પ્રતિનિધિ)એ કહ્યું હતું કે, આપણે શીખવું જોઈએ, કમાવવું જોઈએ અને પરત કરવું જોઈએ. તમે જે શીખ્યા છો અને કમાયા છો તે પાછું આપવાનો સિદ્ધાંત તમારી અંદર હોવો જોઈએ; તો જ તમે ખરેખર સફળ થઈ શકો છો. પહેલાં લોકો એટલા શિક્ષિત નહોતા, પરંતુ તેઓ પાછું આપવામાં દૃઢપણે માનતા હતા. - કચ્છમાં મોટા પાયે તકો રહેલી છે : દેનુ કાપાનીઆ (અશોક ઇન્ડસ્ટ્રીઝના ચેરમેન)એ કહ્યું હતું કે, હું એક પંજાબી વ્યક્તિ છું, ઔર એક પંજાબી ઇન્સાન લોગોં કો કચ્છ બુલા રહા હૈ સેટલ હોને, મતલબ આપ સમજ જાઓ કી કચ્છ ક્યા ચીઝ હૈ. કચ્છ પાસે મોટા પ્રમાણમાં ઓફર કરવા માટે ઘણું બધું છે, જેમ કે મીઠું, કોલસો, ખાદ્ય, ઊર્જા વગેરે. તે મુંબઈની તુલનામાં મુસાફરીનો ઘણો સમય બચાવે છે. કચ્છની વસ્તી લગભગ 20 લાખ છે અને તે ઘણી તકો પ્રદાન કરે છે. ગાંધીધામમાં 90 ટકા લોકો મૂળ રહેવાસી નથી; તેઓ ઉત્તમ નોકરીની તકોને કારણે અહીં સ્થાયી થયા છે. - વિકસિત ભારત-2047ના વિઝન માટે કચ્છ એક કેન્દ્રાબિંદુ બનશે : બિંદુ નામ્બિયાર (એચઆચ હેડ - વેલ્સ્પન ગ્રુપ અને પ્રતિનિધિ, ફોકીયા)એ જણાવ્યું હતું કે, વિકસિત ભારત-2047ના વિઝન માટે કચ્છ એક કેન્દ્રાબિંદુ બનશે. તે જમીનની ઉપલબ્ધતા, પાણીની માળખાગત સુવિધા, વીજળી, કનેક્ટિવિટી, ઇકોસિસ્ટમ અને માનવશક્તિને કારણે ઉદ્યોગોને આકર્ષિત કરી રહ્યું છે. - કચ્છમાં વિકસિત કોર્પોરેટ કલ્ચર : મનન શાહ (આશાપુરા ગ્રુપના મેનાજિંગ ડિરેક્ટર)એ કહ્યું હતું કે, આજે હું અહીં ઊભો છું તેનું કારણ એ છે કે મારા પરિવારમાં કોઈએ યુ-ટર્ન નહીં, પરંતુ કચ્છ તરફ વળવાનો નિર્ણય લીધો હતો. કચ્છમાં ઘણી કોર્પોરેટ ઓફિસો છે અને તેમનો વિકાસ નોંધપાત્ર છે. - શિક્ષણનો ખર્ચ મુંબઈ કરતાં ઘણો ઓછો : ડો. કનિષ્ક શાહ (કચ્છ યુનિવર્સિટીના એસોસિયેટ પ્રોફેસર)એ જણાવ્યું હતું કે, કચ્છ તમને આશ્ચર્યચકિત કરશે. ફ્લાઇટથી જોતાં કચ્છ ઘણું ખાલી દેખાય છે. અંતર (અવકાશ)માં અવસર આપે છે કચ્છ. કચ્છમાં તમામ પ્રકારની શાળાઓ છે - રાજ્ય, કેન્દ્રીય અને આંતરરાષ્ટ્રીય. કચ્છમાં 44 કોલેજ છે અને દરેક તાલુકામાં કોલેજ છે. પોર્ટ મેનેજમેન્ટ (કારણ કે, બે મુખ્ય બંદર છે) જેવા વ્યાવસાયિક અભ્યાસક્રમો પણ ઓફર કરવામાં આવે છે. શિક્ષણનો ખર્ચ મુંબઈ કરતાં ઘણો ઓછો છે છતાં ગુણવત્તા ઉત્તમ છે. ભારતની ટોચની મેનેજમેન્ટ સંસ્થાઓમાંની એક વાલિંગકર ઇન્સ્ટિટ્યૂટ (માટુંગા, મુંબઈ), ટૂંક સમયમાં ગાંધીધામ/અંજારમાં એક કેમ્પસ શરૂ કરશે. - કચ્છમાં સારી તબીબી સેવાઓ ઉપલબ્ધ : ડો. ચેતન વોરા (વોરા હોસ્પિટલ, ગાંધીધામના ચીફ સર્જન)એ જણાવ્યું હતું કે, અમે એ માન્યતા તોડી નાખી છે કે, કચ્છમાં સારી તબીબી સેવાઓ ઉપલબ્ધ નથી. મુંબઈની સરખામણીમાં સારવારનો ખર્ચ ઓછો છે. પહેલાં લોકોને એમઆરઆઈ અને સીટી સ્કેન માટે અમદાવાદ જવું પડતું હતું, પરંતુ હવે અનેક ડાયગ્નોસ્ટિક સેન્ટરો ઉપલબ્ધ છે. છેલ્લા 25 વર્ષમાં કચ્છમાં તબીબી ક્ષેત્રે ઝડપી વિકાસ જોવા મળ્યો છે. - કચ્છમાં ત્રણ એરપોર્ટ-ચાર પોર્ટ ઉપલબ્ધ : સંજય દેસાઈ (કચ્છ એસોસિએશન ઓફ સિવિલ એન્જિનીયર્સના અધ્યક્ષ)એ જણાવ્યું હતું કે, કચ્છમાં ટ્રાફિક નથી અને રસ્તાઓ પર ભીડ નથી. કચ્છ ભારતનો એકમાત્ર જિલ્લો છે જેમાં ત્રણ એરપોર્ટ અને ચાર પોર્ટ છે. મિલકતના ભાવ ઓછા છે, અને જગ્યા ધરાવતા ઘરો ઉપલબ્ધ છે. અહીં એક શાકાહારી ફાઈવ-સ્ટાર હોટેલ પણ છે. માધાપર એશિયાના સૌથી ધનિક ગામોમાંનું એક છે અને બેંક ડિપોઝિટની દૃષ્ટિએ ભારતમાં સૌથી ધનિક છે. - કચ્છ હરિયાળી, ખેતરો અને તાજી હવા આપે છે : ભુજના ભૂતપૂર્વ ડેપ્યુટી મેયર અને કચ્છના મહિલા ભાજપ નેતા રેશ્મા ઝવેરીએ જીવનશૈલી વિશે વાત કરતાં કહ્યું, તમે કચ્છ નહીં જાઓ, કચ્છ તમને બોલાવે છે. મોટી બ્રાન્ડ્સની હાજરી મજબૂત ખરીદ શક્તિ દર્શાવે છે, જેનો અર્થ સારી આવક અને નોકરીની તકો છે. અહીં કોઈ ખરાબ ટેવો નથી. કારણ કે, આ સ્થળ આધ્યાત્મિક વાતાવરણ આપે છે. મુંબઈથી વિપરીત, જ્યાં દુર્ગંધ સામાન્ય છે, કચ્છ હરિયાળી, ખેતરો અને તાજી હવા આપે છે. કાનથી નહીં સંભળો, આંખથી સંભળો દિલમાં બેસી જશે (કચ્છની ખૂબસુરતી જુવો). હાર્દિકભાઈ ખાતરી કરી રહ્યા છે કે લોકો તેમના મૂળ ભૂલી ન જાય. - સમુદાય સાથે જોડાયેલા રહેવાનું મૂલ્ય અદકેરું : જિગર છેડા (સમુદાય સપોર્ટ - કવીઓ જૈન મહાજન, ભુજના પ્રમુખ)એ પણ નવી જગ્યાએ સ્થાયી થતી વખતે સમુદાય સાથે જોડાયેલા રહેવા અંગે મૂલ્યવાન સમજ આપી હતી. જિગરભાઇએ કહ્યું હતું કે, આપણે નવા સ્થળે જઇએ ત્યારે એવી આશા રાખીએ કે ત્યાં આપણા સમુદાયની કોઇ વ્યક્તિ હોય તો સેટલ થવું સરળ બની રહે. કોઇ આપણું પણ છે એવી લાગણી આપણે અનુભવીએ. કચ્છમાં વધુ કચ્છીઓ રહેશે તો આપણી ભૂમિનું સૌંદર્ય અને તેનું જોમ વધશે. - કચ્છમાં રહેવાથી જીવન બદલાયું : સ્મિત દેઢિયા (ઓર્ગેનિક ફાર્મર - સન્મીત ડ્રેગન ફ્રૂટ ફાર્મ અને નર્સરી) અને હિમાંશુ દેઢિયા (માલિક - મામલ માઇનકેમ)એ કચ્છમાં રહેવા અને ઉછેરના તેમના જીવન બદલનારા અનુભવો શેર કર્યા.