પદાર્પણ ટેસ્ટમાં જ માનવ સુથારે વિક્રમ રચ્યો

ન્યૂ ચંદિગઢ, તા.8 : રાજસ્થાનના 23 વર્ષીય સ્પિન ઓલરાઉન્ડર માનવ સુથારે પદાર્પણ મેચમાં જ વિક્રમોની હારમાળા રચી છે. અફઘાનિસ્તાન સામેની એકમાત્ર ટેસ્ટના પહેલા દાવમાં 6 અને બીજા દાવમાં 1 વિકેટ લેનાર માનવ સુથાર પ્લેયર ઓફ ધ મેચ બન્યો હતો. માનવ સુથારના શાનદાર દેખાવથી ભારતનો એક દાવ અને 300 રને મહાવિજય થયો હતો. માનવ સુથાર ટેસ્ટ ડેબ્યૂમાં ફાઇફર (પ વિકેટ) લેનાર 10મો ભારતીય બોલર બન્યો છે. આ ઉપરાંત ડેબ્યૂ ટેસ્ટની એક ઇનિંગમાં 33 રનમાં 6 વિકેટ ઝડપીને માનવ સુથાર આર. અશ્વિનથી આગળ થયો છે. અશ્વિને 2011માં તેની પહેલી ટેસ્ટમાં 47 રનમાં 6 વિકેટ લીધી હતી. માનવથી આગળ નરેન્દ્ર હિરાવણી છે. તેણે 1988માં પોતાની પહેલી ટેસ્ટમાં વિન્ડિઝ સામે પહેલા દાવમાં 61 રનમાં 8 અને બીજા દાવમાં 7પ રનમાં 8 વિકેટ લીધી હતી.

ડેબ્યૂ મેચમાં પાંચ વિકેટ લેનાર ભારતીય બોલર્સ

2026    માનવ સુથાર   વિ. અફઘાનિસ્તાન

2021    અક્ષર પટેલ    વિ.       ઇંગ્લેન્ડ

2013    મોહમ્મદ શમી  વિ. વેસ્ટ ઈન્ડિઝ

2011    આર. અશ્વિન    વિ. વેસ્ટ ઈન્ડિઝ

2008    અમિત મિશ્રા    વિ. ઓસ્ટ્રેલિયા

1988    નરેન્દ્ર હિરવાણી           વિ. વેસ્ટ ઈન્ડિઝ

1979    દિલીપ દોશી    વિ. ઓસ્ટ્રેલિયા

1967    આબિદ અલી   વિ. ઓસ્ટ્રેલિયા

1961    વમાન કુમાર   વિ. પાકિસ્તાન

1932    મોહમ્મદ નિસાર           વિ. ઇંગ્લેન્ડ