22 ભારતીય સાથેના ઓઈલ જહાજ પર હુમલો

નવી દિલ્હી, તા. 10 : શારઝાહ એન્કરેજ ખાતે પનામાના ધ્વજવાળા ક્રૂડ ઓઇલ ટેન્કર ખઝ ઋઊખ ગઘ. 2 પર ડ્રોન દ્વારા હુમલો કરવામાં આવ્યો હતો. આ જહાજ પર કુલ 22 ભારતીય નાગરિકો ક્રૂ મેમ્બર તરીકે સવાર હતા. આ ઘટનાએ વૈશ્વિક સ્તરે દરિયાઈ પરિવહન અને ક્ષેત્રીય સુરક્ષા સામે ગંભીર પડકારો ઊભા કર્યા છે, જેની નોંધ આંતરરાષ્ટ્રીય સ્તરે લેવામાં આવી રહી છે.  કેન્દ્રીય શાપિંગ મંત્રી સર્બાનંદ સોનોવાલે સોશિયલ મીડિયા પ્લેટફોર્મ ડ પર આ બાબતની સત્તાવાર માહિતી શેર કરી હતી. તેમણે જણાવ્યું હતું કે હુમલાની આ ઘટના બાદ જહાજ પર રહેલા તમામ ભારતીય નાવિકો સંપૂર્ણપણે સુરક્ષિત છે. મંત્રીએ પોતાના નિવેદનમાં રાહત વ્યક્ત કરતાં કહ્યું હતું કે, `મને આ માહિતી આપતાં રાહત અનુભવાય છે કે જહાજ પર સવાર આપણા તમામ 22  ભારતીય નાવિકો સુરક્ષિત છે.' ભારત સરકાર આ સમગ્ર પરિસ્થિતિ પર અત્યંત બારીકથી નજર રાખી રહી છે. નાવિકોની સુરક્ષા અને તેમની સુખાકારી સુનિશ્ચિત કરવા માટે ભારત સરકાર જહાજનું સંચાલન કરતી મેનેજમેન્ટ કંપનીના સતત સંપર્કમાં છે. તંત્ર દ્વારા તમામ બાબતો પર સઘન દેખરેખ રાખવામાં આવી રહી છે જેથી નાવિકોને કોઈપણ મુશ્કેલીનો સામનો ન કરવો પડે.