નકલી આધારકાર્ડ બનાવતો ગુંદિયાળીનો શખ્સ ઝડપાયો

ભુજ, તા. 13 : એલસીબીએ સાચા આધારકાર્ડનો ઉપયોગ કરી તેના જેવું જ નકલી આધારકાર્ડ બનાવી પોતાનો આર્થિક લાભ મેળવતા ગુંદિયાળીના  શખ્સને મુદ્દામાલ સાથે ઝડપી પાડયો છે. એલસીબીએ બાતમીના આધારે માંડવી તાલુકાના ગુંદિયાળીના બિલાલ અબ્દુલરઝાક સુમરાને ઓરિજિનલ આધારકાર્ડનો ઉપયોગ કરી તેના જેવું જ નકલી આધારકાર્ડ બનાવી આર્થિક લાભ મેળવતા આ શખ્સોને ચાર આધારકાર્ડ તથા કાર્ડની ઝેરોક્ષ, આઇ.ટી.આઇ.ના સર્ટિની નકલ, કોમ્પ્યુટર-પ્રિન્ટર અને લેમિનેશન મશીન સહિતના મુદ્દામાલ સાથે ઝડપી કાયદેસરની કાર્યવાહી કરી છે. આ કામગીરીમાં પીઆઇ એ.એમ. મકવાણા, પીએસઆઇ જે.બી. જાદવ, એમ.એચ. શિણોલ, એએસઆઇ દેવજીભાઇ મહેશ્વરી, અનિરુદ્ધભાઇ રાઠોડ, સૂરજભાઇ વેગડા, હે.કો. ધમેન્દ્રભાઇ રાવલ, મૂળરાજભાઇ ગઢવી, લીલાભાઇ દેસાઇ જોડાયા હતા.