કચેરીઓના સત્તાવાર કામમાં હિન્દી ભાષાનો ઉપયોગ વધારવા કરાયા પ્રોત્સાહિત

ગાંધીધામ, તા. 16 : મ્યુનિસિપલ ઓફિશિયલ લેંગ્વેજ ઇમ્પ્લિમેન્ટેશન કમિટી (નરકાસ), કંડલા-ગાંધીધામની દ્વિવાર્ષિક સમીક્ષા બેઠક યોજાઈ હતી. ડીપીએ ચેરમેન અને નરકાસ કંડલાના ચેરમેન સુશીલકુમાર સિંઘના અધ્યક્ષસ્થાને બેઠક યોજાઈ હતી. બેઠકમાં 43 સભ્ય કચેરીઓના આશરે 70 અધિકારી અને કર્મચારી હાજર રહ્યા હતા. સત્તાવાર ભાષા વિભાગ દ્વારા નરકાસ કંડલા-ગાંધીધામને આપવામાં આવેલા નરકાસ પ્રોત્સાહન પુરસ્કાર અંગે માહિતી આપવામાં આવી હતી. સભ્ય કચેરીઓને 2025-26 વર્ષ માટે ઉત્કૃષ્ટ સત્તાવાર ભાષા કાર્ય માટે ઓફિશિયલ લેંગ્વેજ શિલ્ડ એનાયત કરવામાં આવ્યા હતા. સમાપન સંબોધનમાં, નરકાસ ચેરમેને તમામ સભ્ય કચેરીઓને ઓફિશિયલ લેંગ્વેજ, હિન્દી માટે નિર્ધારિત લક્ષ્યો હાંસલ કરવા અને ઓફિશિયલ કામમાં હિન્દીનો ઉપયોગ વધારવા માટે પ્રોત્સાહિત કર્યા હતા. બેઠકમાં હિન્દીના અસરકારક અને સરળ ઉપયોગને પ્રોત્સાહન આપવા અને ઓફિશિયલ લેંગ્વેજના અમલીકરણને વેગ આપવા માટે ફળદાયી ચર્ચાઓ થઈ હતી.