મેઘપર-બોરીચીમાં યુવાને ગળેફાંસો ખાઈ જીવન ટૂંકાવ્યું

ગાંધીધામ, તા. 14 :  અંજાર તાલુકાના મેઘપર-બોરીચી વિસ્તારમાં અગમ્ય કારણોસર  અશ્વિનભાઈ જયસુખભાઈ લોચા (ઉ.વ. 24)એ ગળેફાંસો ખાઈને જીવન ઉપર પૂર્ણવિરામ મુક્યું હતું. મેઘમાયા સોસાયટીમાં રહેતા અશ્વિનભાઈએ કોઈ કારણોસર પોતાના ઘરે ગત તા. 13/11 રાત્રિના 1 વાગ્યાના અરસામાં ગળેફાંસો ખાધો હતો. તેમને સારવાર તળે લવાતાં રામબાગ હોસ્પિટલના ફરજ ઉપરના તબીબ ડો. નેહા યાદવે તેમને મૃત જાહેર કર્યા હતા. હતભાગીએ કયાં કારણોસર આ પ્રકારે અંતિમ પગલું ભરી લીધું હશે, તે જાણવા પોલીસે અકસ્માત નોંધના આધારે વધુ તપાસ હાથ ધરી છે.