ભુજ, તા. 28 : તાલુકાના લોરિયા સીમની વાડીઓમાંથી
રૂા. 73,430ના બોરના વાયરની તસ્કરી થયાની
ફરિયાદ નોંધાઇ છે. આ અંગે ગઇકાલે માધાપર પોલીસ મથકે લોરિયાના હનુમાનનગર ખાતે રહેતા
ખેડૂત રમેશભાઇ મોહનલાલ ભાનુશાલીએ નોંધાવેલી ફરિયાદ મુજબ લોરિયા ગામની સીમમાં આવેલી
તેમની તથા સાહેદની વાડીમાંથી ગત તા. 24/9ના સાંજથી બીજા દિવસ દરમ્યાન બોરની મોટરના અલગ-અલગ એમ.એમ.ના
કોપરના વાયરો જેની કિં. રૂા. 73,430ની કોઇ અજાણ્યો
ચોર ઇસમ ચોરી કરી લઇ ગયો છે. પોલીસે ચોરીની ફરિયાદ નોંધી તપાસ હાથ ધરી છે.
