નવી દિલ્હી, તા. 11: ભારત અને
શ્રીલંકા વચ્ચેની બે ટેસ્ટની શ્રેણીનો 15 ઓગસ્ટથી પ્રારંભ થવાનો છે. ભારત - શ્રીલંકા વચ્ચેની એક ટેસ્ટ
શ્રેણીમાં સૌથી વધુ રનનો રેકોર્ડ સ્ટાર બેટર વિરાટ કોહલીનાં નામે છે. તેણે 2017-18માં રમાયેલી ત્રણ ટેસ્ટની શ્રેણીની
પાંચ ઇનિંગ્સમાં ત્રણ સદી અને એક અર્ધસદી સાથે કુલ 610 રન ફટકાર્યા હતા. આ દરમિયાન કોહલીની સરેરાશ 152.50 રહી હતી. સર્વાધિક સ્કોર હતો
243 રન. આ મામલે બીજા નંબર પર શ્રીલંકાનો
ઓપનર સનથ જયસૂર્યા છે. તેણે 1997માં ભારત
સામેની બે ટેસ્ટની શ્રેણીમાં બે સદી સાથે કુલ
571 રન બનાવ્યા હતા. આ દરમિયાન
જયસૂર્યાની સરેરાશ 190.30 રહી
હતી. આ શ્રેણીમાં જયસૂર્યાએ ત્રેવડી સદી પણ ફટકારી હતી. તેણે 340 રનની વિક્રમી ઇનિંગ્સ રમી હતી.
ભારતના આક્રમ ઓપનર વિરેન્દ્ર સેહવાગે 2009-10માં 3 મેચની ટેસ્ટ
શ્રેણીમાં 4 દાવમાં 2 સદીથી 491 રન બનાવ્યા
હતા. તેની સરેરાશ 122.75 રનની
હતી. આ શ્રેણીમાં સેહવળા ત્રેવડી સદી ચૂકી
ગયો હતો અને 293 રને આઉટ થયો હતો. વર્તમાન સિરીઝમાં
ભારતીય કપ્તાન શુભમન ગિલ, કે એલ રાહુલ
અને યશસ્વી જયસ્વાલની નજર આ સૂચિમાં સામેલ થવા પર રહેશે જ્યારે શ્રીલંકા તરફથી કુસલ
પેડિકલ, કામિન્ડુ મેન્ડિસ અને કપ્તાન ધનંજય ડિ'સિલ્વા પર નજર રહેશે.
