હૈદરાબાદ, તા.2 : ભારતે પોતાનો પહેલો
આર્ટિફિશિયલ ઈન્ટેલિજન્સ (એઆઈ) ઉપગ્રહ
અંતરીક્ષમાં મોકલ્યો છે જે માત્ર
તસવીરો જ નહીં મોકલે પરંતુ તેનું
વિશ્લેષણ પણ અંતરીક્ષમાંથી જ કરશે. તેનાથી સરહદના નિરીક્ષણ અને આપત્તિમાં મદદ મળશે. આ સાથે જ તસવીરો અને ડેટાને
ધરતી સુધી મોકલવામાં થતા સમય અને ખર્ચમાં પણ ઘટાડો થશે. હૈદરાબાદની કંપની ટેકમીટુસ્પેસના એમઓઆઈ-1એ
ઉપગ્રહનું સ્પેસએક્સના ટ્રાન્સપોર્ટર-18 મિશનથી રાત્રિના 11.48 કલાકે પરીક્ષણ કરવામાં આવ્યૃં
હતૃ. કંપનીએ જણાવ્યું હતું કે આ ભારતનો પહેલો ઓર્બિટલ કમ્પ્યુટિંગ સેટેલાઈટ
છે. અમેરિકા, યુરોપીય યુનિયન અને
ચીન બાદ ભારત આવી ક્ષમતા ધરાવતો ચોથો
દેશ બની
ગયો છે. હાલમાં ઉપગ્રહમાંથી મળતા ડેટાને પહેલાં
પૃથ્વી પર મોકલવામાં આવે છે અ ને તે પછી તેની તપાસ અને વિશ્લેષણ
કરવામાં આવતું હોય છે. નવા ઉપગ્રહથી આ કામ અંતરીક્ષમાંજ થઈ જશે.કંપનીના
સીઈઓ રૌનક કુમાર સામંત રાયના જણાવ્યા
પ્રમાણે જો કોઈ ઉપગ્રહે 300 જીબી ડેટા એકત્ર
કર્યો છે
અને તેમાંથી માત્ર પાંચ જીબી જાણકારી કામની છે તો એઆઈ જરૂરી ડેટાની
ઓળખ કરીને માત્ર તેટલી જ જાણકારી પૃથ્વી પર મોકલશે. તેનાથી ડેટા ટ્રાન્સફરનો સમય અને ખર્ચ ઘટી
જશે.
