ગાંધીધામ, તા. 14 : મેઘપર (કું.) વિસ્તારમાં આવેલી
આદિત્યનગર સોસાયટીમાં તસ્કરોએ બંધ મકાનને નિશાન બનાવીને હાથ સાફ કર્યો હોવાની ઘટના
સામે આવી છે. ઘરના મુખ્ય દરવાજા અને લોખંડની તિજોરી તોડીને અજાણ્યા ઇસમો રોકડ રકમ તેમજ
સોના-ચાંદીના દાગીના મળીને કુલ રૂા. 62,100ની મિલકત ચોરી કરીને ફરાર થઈ ગયા હતા. મેઘપરના આદિત્યનગર ખાતે રહેતા અને આદિપુર શીતલા
માતાજીનાં મંદિર પાસે આવેલા મહાદેવ પેટ્રોલ પંપ પર નોકરી કરતા કમલભાઈ નરશીભાઈ ચારણ
ગત તારીખ 3 ઓક્ટોબર 2026ના રાત્રે પોતાના પરિવાર સાથે
ઘરના મુખ્ય દરવાજાને તાળું મારીને છત પર સૂવા ગયા હતા. દરમિયાન, તારીખ 4 ઓક્ટોબર 2026ની વહેલી સવારે પાંચ વાગ્યે
તેઓ નીચે આવ્યા, ત્યારે ઘરના મુખ્ય દરવાજાનું
તાળું તૂટેલું અને સામાન વેરવિખેર હાલતમાં જોવા મળ્યો હતો. ઘરની તિજોરીની તપાસ કરતાં
તેમાં રહેલા રૂા. 20,000 રોકડા
તેમજ સોનાનો ઓમ, નાકનો દાણો, ચાંદીનું મંગળસૂત્ર અને ચાંદીના ઝાંઝર મળી કુલ રૂા. 62,100ના કિંમતી દાગીના ચોરાયા હોવાનું
માલૂમ પડયું હતું. આ મામલે ભોગ બનનાર દ્વારા અંજાર પોલીસ સ્ટેશનમાં ગુનો નોંધાવવામાં
આવ્યો છે અને પોલીસે વધુ તપાસ હાથ ધરી છે.
