ગૌવંશ માંસના ગુનાનો નાસતો આરોપી પકડાયો

ભુજ, તા. 3 : ગૌવંશ માંસના ગુનાનો નાસતો આરોપી હુસૈન ઇસ્માઇલ ઓઢેજા (રહે. રતિયા, તા. ભુજ)ને પોલીસે ઝડપી પાડયો છે. થોડા દિવસો પૂર્વે એ-ડિવિઝન પોલીસ મથકે નોંધાયેલા ગૌવંશ માંસના ગુનાનો નાસતો ફરતો આરોપી હુસૈન ઇસ્માઇલ ઓઢેજા (રહે. રતિયા) હાલ કોડકી ચાર રસ્તા પાસે હાજર હોવાની બાતમી એ-ડિવિઝન પોલીસના સર્વેલન્સ સ્ટાફને મળતાં તેને ઝડપી લેવાયો છે. આ કામગીરીમાં પી.આઇ. એમ.આર. નકુમના માર્ગદર્શન હેઠળ પી.એસ.આઇ. એચ.આર. મોરી., એ.એસ.આઇ. ઉમેશભાઇ બારોટ, હે.કો. રાજુભા જાડેજા, યુવરાજસિંહ જાડેજા, લાખાભાઇ બાંભવા, દશરથભાઇ ચૌધરી, કૈલાશભાઇ ચૌધરી, મામદભાઇ કુંભાર, કિરણભાઇ ચૌધરી જોડાયા હતા.