ગાંધીધામ, તા. 21 : ભચાઉમાં પોલીસે બે શખ્સ પાસેથી
ચોરી કે છળકપટથી મેળવાયેલ રૂા. 81,900નો વાયર
જપ્ત કર્યો હતો. ભચાઉમાં
પોલીસ પેટ્રોલિંગમાં હતી દરમ્યાન બોલેરો ગાડી નંબર જી.જે. 12 સી.ટી. 0231ને રોકાવાઇ હતી. આ ગાડીમાં
ભરેલા મુદ્દામાલ અંગે આધાર-પુરાવા મગાતાં તે આપી ન શકતાં ભચાઉના જગમાલ બાબુ કોળી તથા
કરમરિયાના ભરત ચકુ આહીરને ઝડપી લેવાયા હતા. આ બંને પાસેથી રૂા. 81,900નો 455 કિલો વાયર જપ્ત કરાયો હતો.
આ વાયરચોરી કે છળકપટથી મેળવાયો હોવાનું જાણીને આગળની તપાસ પોલીસે હાથ ધરી છે.
