અમદાવાદ, તા. 16 (અમારા પ્રતિનિધિ તરફથી) : ગુજરાત
વિધાનસભાનું બજેટ સત્ર 16મી, ફેબ્રુઆરીથી 25મી માર્ચના સુધી ચાલશે. 17મીએ રાજ્યનું બજેટ રજૂ કરાશે. આ 38 દિવસીય બજેટ સત્રમાં 5ાંચ શનિવાર અને 5ાંચ રવિવાર આ ઉપરાંત ચોથી માર્ચના બુધવારે
ધુળેટી, 19મી માર્ચના
ગુરુવારે ચેટીચાંદના રજા રહેશે. આ સત્ર દરમ્યાન કુલ 26 બેઠક મળશે. પ્રથમ દિવસે
રાજ્યપાલ આચાર્ય દેવવ્રત દ્વારા વિધાનસભા ગૃહની બેઠકને સંબોધિત કરાશે, જેમાં તેઓ રાજ્ય સરકારની સિદ્ધિનું વર્ણન કરશે.
રાજ્યપાલના પ્રવચન બાદ થોડાક વિરામ બાદ મુખ્યમંત્રી ભૂપેન્દ્ર પટેલ દ્વારા વિધાનસભાના
સદ્ગત પૂર્વ ધારાસભ્યોને શોકાંજલિ આપશે. સત્રના બીજા દિવસે એટલે કે, 17મી, ફેબ્રુઆરીના મંગળવારે નાણામંત્રી કનુભાઈ દેસાઈ સૌપ્રથમ વર્ષ 2025-26નું પૂરક બજેટ અને ત્યારબાદ
વર્ષ 2026-27નું ગુજરાત સરકારનું વાર્ષિક
બજેટ રજૂ કરશે. ગત વર્ષે 20મી, ફેબ્રઆરી-2025ના નાણામંત્રીએ કુલ 3,70,250 કરોડના કુલ કદ દર્શાવતું બજેટ
રજૂ કર્યું હતું, જ્યારે આ વખતે
નાણામંત્રી 17મી, ફેબ્રુઆરી-2026ના ગુજરાત સરકારનું વર્ષ 2026-27 માટે અંદાજિત કુલ 4.25 લાખ કરોડ સુધીનું કુલ કદ દર્શાવતું
વાર્ષિક બજેટ રજૂ કરે તેવી શક્યતા નકારી શકાતી નથી. આ બજેટ સત્ર દરમ્યાન બજેટ રજૂ કરાયાના
બીજા દિવસથી રાજ્યપાલે વિધાનસભા ગૃહની બેઠકને કરેલાં સંબોધન બદલ તેમનો આભાર વ્યક્ત
કરતો પ્રસ્તાવ રજૂ થશે. જેના ઉપર ત્રણ દિવસ સુધી સત્તાધારી અને વિપક્ષના સભ્યો દ્વારા ચર્ચા કરાશે. બજેટમાં કરાયેલી
જોગવાઈઓ અને રકમને ખર્ચવાની સરકારને સત્તા આપતું વિનિયોગ વિધેયક-2026 રજૂ કરીને પસાર કરાશે. 25મી માર્ચ બુધવારના દિવસે સત્રનો આખરી દિવસ
હશે અને ત્યારે સત્તાધારી પક્ષના ધારાસભ્ય તરફથી છેલ્લા દિવસનો પ્રસ્તાવ રજૂ કરાશે.
