ગાંધીધામના ચોરીપ્રકરણનો ભાગેડુ છ વર્ષે કાયદાના સંકજામાં

ગાંધીધામ, તા. 19 : શહેરના ચોરી પ્રકરણમાં છેલ્લા છ વર્ષથી નાસતા-ફરતા  એક ભાગેડુ આરોપીની પોલીસે રાજસ્થાનથી ધરપકડ કરી હતી. ગાંધીધામના બી-ડિવિઝન પોલીસ મથકે વર્ષ 2020માં ઘરફોડ ચોરીનો  ગુનો નોંધાયો હતો. આ ગુનામાં સામેલ આરોપી સુનીલ ઉર્ફે શ્રવણ ગુદડરામ સાંખલા છેલ્લા  છ વર્ષથી પોલીસને હાથતાળી આપીને નાસતો-ફરતો હતો. પોલીસે  ટેકનિકલ સર્વેલન્સના આધારે  આ આરોપીને પીપાડ શહેર (રાજસ્થાન)થી પકડી પાડયો હતો.આ કુખ્યાત આરોપી વિરુદ્ધ રાજસ્થાનમાં ચોરી, મારામારી તથા એન.ડી.પી.એસ.ના  કાયદાની કલમો તળે  37થી વધુ ગુના નોંધાયા હોવાનું પોલીસે ઉમેર્યું  હતું.