આડેસરમાં બંદૂક સાથે નાચતા વાયરલ વીડિયો મામલે ફોજદારી

ગાંધીધામ, તા. 7 : રાપર તાલુકાનાં આડેસરમાં લગ્નમાં બંદૂક લઈને નાચતા શખ્સોના વાયરલ થયેલા વીડિયો મામલે પોલીસે ગુનો નોંધ્યો છે.પોલીસના સત્તાવાર સાધનો પાસેથી મળતી વિગતો મુજબ  આ બનાવ આજે બપોરે 2થી 3 વાગ્યાના અરસામાં બન્યો હતો.  આરોપી જયકુમાર ભરત રાવળ હથિયાર પરવાનો ન હોવા છતાં સમાજમાં ભય ઊભો કરવા અને શોખ માટે ડબલ બેરલ બાર બોરનાં  હથિયાર સાથે નાચતો હતો. આ વીડિયો સોશિયલ મીડિયામાં વાયરલ થયો હતો.પરવાના સાથેનું હથિયાર આપનારા રેવાભાઈ  બાલાભાઈ મકવાણા સામે પણ પોલીસે ગુનો નોંધી વધુ તપાસ હાથ ધરી છે.