ખાવડાના આરઈ પાર્કમાંથી ઓઇલ ચોરી નાસતા બેને ગાર્ડે ઝડપ્યા

ભુજ, તા .29 :  ખાવડામાં આવેલા આરઈ પાર્કમાં અલગ અલગ પ્લોટોમાંથી ઓઈલ ચોરીને બોલેરો પીકઅપ ગાડીમાં લઈ જતાં બે ચોરનો સિક્યુરિટી ગાર્ડે પીછો કરી ઝડપી લીધા બાદ 40 હજારના ઓઇલ ચોરીની પોલીસ ફરિયાદ નોંધાવી છે. આ અંગે ખાવડા પોલીસ મથકમાં ફરિયાદી મૂળ રાજસ્થાનના સિક્યુરિટી ઓફિસર તરીકે ફરજ બજાવતા સોહનદાન ગાવિંદદાન ગઢવીએ જણાવ્યું કે, અલગ અલગ પ્લોટમાં આવેલા ટ્રાન્સફોર્મરોમાંથી બોલેરો પીકઅપ ગાડી નં. આરજે - 27 - જીઈ- 9460 ના ડ્રાઈવર ઈશ્વરસિંહ ઉકારાસિંહ સારંગદેવોત અને સોહનસિંહ ભગવતસિંહ સારંદેવોતે સાથે મળી ટ્રાન્સફોર્મરોમાંથી 400 લિટર ઓઈલ કિંમત રૂા.40 હજારની ચોરી કરી હતી. સિક્યુરિટી ગાર્ડ ત્યાં પહોંચી જતા નાસવા લાગ્યા હતા અને તેમનો પીછો કરી ઝડપી લેવાયા હતા. પોલીસે ચોરીની ફરિયાદ નોંધી કાર્યવાહી કરી છે.