ગીતા જયંતિ મહોત્સવની ઉજવણી નિમિત્તે ભુજમાં નીકળી બાઈક રેલી

ભુજ, તા. 29 : ભુજમાં અખિલ કચ્છ સમસ્ત હિન્દુ પરિવાર અને આર્ષ અધ્યયન કેન્દ્ર દ્વારા સોમવારથી ગીતા જયંતી મહોત્સવનું આયોજન કરાયું છે. ગીતા જયંતિ મહોત્સવ નિમિત્તે સમાજમાં જાગૃતિ લાવવાના ઉદેશ સાથે બાઈક રેલી એટલે કે જાગરણ યાત્રાનું આયોજન કરાયું હતું. ગીતા જયંતી મહોત્સવની પૂર્વ સંધ્યાએ રામધુન પાસેથી ગીતા ગ્રંથયાત્રા નીકળશે. જેમાં જિલ્લાના દશેય તાલુકામાંથી મોટી સંખ્યામાં ભાવિકો જોડાશે. જ્યુબિલી ગ્રાઉન્ડથી શરૂ થયેલી બાઈક રેલી શહેરના અલગ-અલગ વિસ્તારમાંથી પસાર ગઈ ગીતા જયંતી મહોત્સવની ઉજવણી અંગે જનજાગૃતિ ફેલાવી હતી. સમગ્ર યાત્રા પથ પર નગરજનોએ આ રેલીનું સ્વયંભુ અભિવાદન કર્યું હતું. જયુબિલી ગ્રાઉન્ડ ખાતે આ રેલીનું સમાપન સામુહિક હનુમાન ચાલીસાના પઠન સાથે કરાયું હતું.ં