હેન્ડબોલ: દુનિયામાં ગુજરાતી હિર ઝળકયું; દેશને રજત અપાવ્યો

રાજકોટ, તા. 29 : થાઈલેન્ડમાં આયોજીત ઈન્ટરનેશનલ હેન્ડબોલ ફેડરેશન કોન્ટિનેન્ટલ ટ્રોફીમાં ભારતીય મહિલા હેન્ડબોલ ટીમે ઉત્તમ રમતનું પ્રદર્શન કરતા રજત ચંદ્રક જીત્યો છે. આ સ્પર્ધામાં સૌરાષ્ટ્ર યુનિવર્સિટીની વિદ્યાર્થિની દયા ઝાપડિયાએ ટીમ વતી એટેકર તરીકેની ભૂમિકા ભજવીને દેશને સિલ્વર મેડલ જીતાડવામાં મહત્ત્વનું યોગદાન આપ્યું હતું. સિલ્વર મેડલ જીતીને થાઈલેન્ડમાં ભારતનો ઝંડો લહેરાવવા સાથે દયા ઝાપડીયાના પરાક્રમથી સૌરાષ્ટ્ર યુનિવર્સિટી ગૌરવાન્વિત થઈ છે. તારીખ ર4થી ર8 નવેમ્બર દરમિયાન થાઈલેન્ડમાં આ સ્પર્ધા યોજાઈ હતી. જેની ટીમમાં સમગ્ર ગુજરાતમાંથી એકમાત્ર રાજકોટની દયા ઝાપડિયાની પસંદગી થઈ હતી. આમ દયાએ સમગ્ર ગુજરાતનું પ્રતિનિધિત્વ કર્યું હતું. દયાએ ફાઈનલ સુધીની સફરમાં કી પ્લેયર તરીકેની ભૂમિકા ભજવી હતી અને તેના સતત ઉત્તમ પ્રદર્શન થકી ટીમ ફાઈનલ સુધી પહોંચી હતી. સૌરાષ્ટ્ર યુનિવર્સિટીના શારીરિક શિક્ષણ નિયામક પ્રો.ડો. હરીશ રાબાએ જણાવ્યું હતું કે ફાઈનલ મેચ કઝાકિસ્તાનની ટીમ સામે હતો. જેમાં ભારત 3 ગોલથી પાછળ રહ્યંy હતું. કઝાકીસ્તાને 34 ગોલ કર્યા સામે ભારત 31 ગોલ કરતા રનર્સઅપ રહ્યંy હતું. આમ ફાઈનલના રોમાંચક મુકાબલામાં નજીવા અંતરથી ભારત ગોલ્ડ મેડલથી વંચિત રહ્યંy હતું. તેમણે ઉમેર્યું હતું કે પ્રથમ વખત સૌરાષ્ટ્ર યુનિવર્સિટીએ હેન્ડબોલ મહિલા સ્પર્ધામાં આંતરરાષ્ટ્રીય સ્તરે સિલ્વર મેડલ જીતવામાં અગ્રીમ ભૂમિકા ભજવી છે. સૌરાષ્ટ્ર યુનિવર્સિટીના કુલપતિ ડો. ઉત્પલ જોશીએ આ સિદ્ધિ બદલ અભિનંદન પાઠવ્યા હતા.