નવી દિલ્હી, તા. 28 : ઉત્તરપ્રદેશ, બિહાર, મહારાષ્ટ્ર અને
કર્ણાટકમાં વિધાન પરિષદ (એમએલસી)ની 28 બેઠક માટે યોજાયેલી દ્વિવાર્ષિક ચૂંટણીમાં વિવિધ રાજકીય પક્ષોને
મહત્ત્વપૂર્ણ જીત મળી છે. કોંગ્રેસ ખાતું જ
નહી ખોલી શકે, જ્યારે 28માંથી 16 બેઠક ઉપર ભાજપના વડપણવાળા એનડીએ જોડાણને જીત મળી છે, તો સપાએ પાંચ બેઠક જીતી છે. કર્ણાટકમાં ભાજપ-જેડી
(એસ) ગઠબંધને જોડાણે ચારેય બેઠક જીતી લીધી છે, તો ઉત્તરપ્રદેશમાં
ભાજપ અને સમાજવાદી પાર્ટી (સપા)ને જીત મળી છે. બિહારમાં જન સુરાજ પાર્ટીએ પ્રથમ વખત
વિધાન પરિષદમાં પ્રવેશ કર્યો, જ્યારે રાજદે ભાજપના એક વરિષ્ઠ
નેતાને હરાવ્યા છે. મહારાષ્ટ્ર સહિત કેટલાક મતવિસ્તારોમાં મતગણતરી ચાલુ હતી. કર્ણાટકમાં પોતાની જ સરકાર હોવા છતાં કોંગ્રેસને
હાર ખમવી પડી હતી. ભાજપે ત્રણ બેઠક જીતી, જ્યારે તેના સહયોગી
જનતા દળ (સેક્યુલર)એ એક બેઠક મેળવી છે. જેડીએસના ઉમેદવાર એ. પી. રંગનાથે બેંગલુરુ શિક્ષક
મતવિસ્તારમાં કોંગ્રેસના વર્તમાન ખકઈ પુટ્ટન્નાને 908 મતથી હરાવ્યા. ભાજપે ઉત્તર-પૂર્વ
શિક્ષક, દક્ષિણ-પૂર્વ સ્નાતક અને પશ્ચિમ સ્નાતક મતવિસ્તારોમાં
જીત મેળવી હતી. સામે છેડે રાજ્યમાં સત્તા ધરાવતા હોવા છતાં કોંગ્રેસની ચારેય બેઠકો
પર હાર થઈ છે. ઉત્તરપ્રદેશમાં વિધાન પરિષદની 11 બેઠક માટે ચૂંટણી યોજાઈ હતી, જેમાં પાંચ સ્નાતક અને છ શિક્ષક મતવિસ્તારોનો
સમાવેશ થાય છે. જાહેર થયેલાં પરિણામોમાં ભાજપના દિનેશ ગોયલ, શ્રીચંદ
શર્મા, હરિ સિંહ ધિલ્લોન અને ઉમેશ દ્વિવેદીએ જીત મેળવી. સપાના
લાલ બિહારી યાદવ અને આકાશ અગ્રવાલ પણ વિજેતા બન્યા છે. કેટલાક સ્નાતક મતવિસ્તારોમાં
સપાના ઉમેદવારો આગળ હોવાના અહેવાલો પણ આવ્યા હતા. જો કે, અલગ-અલગ
સમયે પ્રકાશિત અહેવાલોમાં જાહેર થયેલી બેઠકોની સંખ્યામાં તફાવત હતો. તેથી પક્ષવાર અંતિમ
પરિણામ માટે સત્તાવાર પરિણામોની ચકાસણી જરૂરી છે.
બિહારમાં જન સુરાજના ઉમેદવાર સુરેશ પ્રસાદ રાયે દરભંગા શિક્ષક મતવિસ્તારમાં
કોંગ્રેસના વર્તમાન ખકઈ મદનમોહન ઝાને 324 મતથી હરાવ્યા. આ જીત સાથે જન સુરાજે બિહાર વિધાન પરિષદમાં પ્રથમ
વખત સ્થાન મેળવ્યું છે. રાજદના ઉમેદવાર ડો. સંજીવાસિંહે પટણા શિક્ષક મતવિસ્તારમાં ભાજપના
વરિષ્ઠ નેતા નવાલ કિશોર યાદવને હરાવ્યા. ભાજપના નરેન્દ્રપ્રસાદ સિંહે તિરહુત શિક્ષક
બેઠક જીતી, જ્યારે સારણ શિક્ષક બેઠક
પર અપક્ષ ઉમેદવાર રાહુલ રાજ વિજેતા બન્યા છે. બિહારની તમામ આઠ બેઠકનાં સંપૂર્ણ પરિણામો
તે સમયે ઉપલબ્ધ અહેવાલોમાં જાહેર થયા નહોતાં. મહારાષ્ટ્રમાં વિધાન પરિષદની પાંચ બેઠક
માટે ચૂંટણી યોજાઈ હતી, જેમાં ત્રણ સ્નાતક અને બે શિક્ષક મતવિસ્તારોનો
સમાવેશ થાય છે. નાગપુર સ્નાતક મતવિસ્તારમાં મતગણતનાના બીજા તબક્કા બાદ ભાજપના ઉમેદવાર
સુધાકર કોહલે કોંગ્રેસના વર્તમાન એમએલસી અભિજિત વંજારી કરતાં આગળ હતા. અમરાવતી શિક્ષક
મતવિસ્તારમાં શિવસેનાના ઉમેદવાર કિરણ સરનાઈક પણ આગળ હોવાના અહેવાલ હતા. કર્ણાટકમાં
કોંગ્રેસ એક પણ બેઠક જીતી શકી નથી. ચારેય રાજ્યનાં જાહેર થયેલાં પરિણામોમાં કોંગ્રેસને
એકપણ જીત મળી નહોતી. વડાપ્રધાન નરેન્દ્ર મોદીએ સોશિયલ મીડિયા પર પોસ્ટ કરીને કોંગ્રેસનાં
પ્રદર્શન અંગે ટિપ્પણી કરી હતી અને ચૂંટણીમાં બેલેટ પેપરના ઉપયોગનો ઉલ્લેખ કર્યો હતો.
