નવી દિલ્હી, તા.21: ચીનનાં રાષ્ટ્રપતિ
શી જિનપિંગનો અમેરિકાનો પ્રવાસ સુનિશ્ચિત બની ગયો છે. ચીનનાં વિદેશ મંત્રાલયનાં પ્રવક્તાનાં
જણાવ્યા અનુસાર 23થી 25 સપ્ટેમ્બર સુધી જિનપિંગ અમેરિકાની
યાત્રાએ જશે. આ દરમિયાન તેઓ અમેરિકાનાં રાષ્ટ્રપતિ
ડોનાલ્ડ ટ્રમ્પ સાથે મહત્વની મંત્રણા કરશે અને આ બેઠક ઉપર આખા વિશ્વની નજર રહેવાની
છે. જિનપિંગ 23મીએ વોશિંગ્ટનમાં ઉતરણ કરશે અને અમેરિકાનાં
રાષ્ટ્રપતિ ટ્રમ્પ સાથે શિખર મંત્રણા કરશે.
સમગ્ર વિશ્વમાં અનિશ્ચિતતાઓ પ્રવર્તે છે ત્યારે જિનપિંગની આ મહત્ત્વની યાત્રા
માટે આવકારવા ટ્રમ્પ પોતે એરપોર્ટ ઉપર જાય તેવી સંભાવના છે. બન્ને નેતાઓ વચ્ચેની આ
મુલાકાતમાં વેપાર, ટેકનોલોજી,
વ્યાપક રણનીતિ સહિતનાં મુદ્દે તનાવ ઘટાડવા માટેની ચર્ચા સંભવ છે. ટ્રમ્પે
કહ્યું હતું કે, તેઓ જિનપિંગ સાથે શક્ય તમામ મુદ્દાઓની ચર્ચા
કરશે.
