અમદાવાદ, તા. 1 (અમારા પ્રતિનિધિ તરફથી) : રાજ્યમાં આજથી વસ્તી
ગણતરીના પ્રથમ તબક્કાનો સત્તાવાર પ્રારંભ થયો છે. આ તબક્કામાં ગણતરીદારો 30 જૂન
સુધી ઘર-યાદી અને મકાનોની ગણતરીની કામગીરી કરશે. આ સમગ્ર પ્રક્રિયા પ્રથમ વખત
સંપૂર્ણ રીતે ડિજિટલ માધ્યમથી હાથ ધરવામાં આવી રહી છે. વસ્તી ગણતરી દરમિયાન આવાસની
સ્થિતિ,
કુટુંબની વિગતો, પીવાના પાણીના સ્ત્રોત,
શૌચાલયની સુવિધા સહિત કુલ 33 પ્રશ્નો પૂછવામાં આવશે.
આ કામગીરી માટે કુલ 1.09 લાખ ગણતરીદારો અને 18,254 સુપરવાઈઝરો
તૈનાત કરવામાં આવ્યા છે. વસ્તી ગણતરી નિર્દેશક સુજલ મયાત્રાએ તમામ નાગરિકોને
રાષ્ટ્રવ્યાપી વસ્તી ગણતરી કાર્યક્રમમાં ભાગ લેવા વિનંતી કરી. વસ્તી ગણતરી
નિર્દેશક સુજલ મયાત્રાના જણાવ્યા પ્રમાણે, રાજ્યભરમાં 1 જૂનથી
30 જૂન
દરમિયાન ઘર યાદી અને રહેઠાણ ગણતરી હાથ ધરવામાં આવશે. આ તબક્કા દરમિયાન, વસ્તી ગણતરી કરનારાઓ રહેઠાણની સ્થિતિ, કુટુંબની
વિગતો, પીવાના પાણીના સ્ત્રોતો, શૌચાલય
સુવિધાઓ અને અન્ય સંપત્તિઓને આવરી લેતા કુલ 33 પ્રશ્નો પૂછશે. આ વખતે
વસ્તી ગણતરીમાં ડિજિટલ ટેક્નોલોજીનો વ્યાપક ઉપયોગ કરવામાં આવી રહ્યો છે, જેના કારણે પ્રક્રિયા વધુ ઝડપી અને પારદર્શક બનવાની આશા વ્યક્ત કરવામાં
આવી છે. વસ્તી ગણતરી 2027 અંતર્ગત રાજ્યમાં 17 મેથી
શરૂ કરાયેલી સ્વ-ગણતરી ઝૂંબેશને પણ સારો પ્રતિસાદ મળ્યો છે. અત્યાર સુધીમાં કુલ 3.74 લાખથી
વધુ નાગરિકોએ સ્વ-ગણતરીના ફોર્મ ભર્યા છે. જેમાંથી લગભગ 3.30 લાખ
ફોર્મની પ્રક્રિયા પૂર્ણ થઈ ગઈ છે, જ્યારે બાકીના
44 હજાર
ફોર્મ હાલ પ્રક્રિયામાં છે. વસ્તી ગણતરીનો બીજો તબક્કો 9 ફેબ્રુઆરીથી
29 ફેબ્રુઆરી
2027 દરમિયાન
યોજાશે. આ તબક્કામાં વસ્તીની ગણતરી સાથે જાતિની ગણતરી પણ હાથ ધરાશે. સમગ્ર દેશમાં
આ વખતે વસ્તી ગણતરી સાથે જાતિગણતરી પણ પૂર્ણ કરવામાં આવશે.વસ્તી ગણતરી 2027ને
લઈને રાજ્ય અને કેન્દ્ર સ્તરે વિશાળ તૈયારીઓ કરવામાં આવી રહી છે, જેથી દરેક નાગરિક સુધી ચોક્કસ અને વ્યવસ્થિત ડેટા પહોંચાડી શકાય રાજ્યના
ઇતિહાસમાં આ 16મી અને સ્વતંત્રતા પછી આઠમી વસ્તી ગણતરી છે.
ગુજરાત અને ભારતમાં તે બે તબક્કામાં હાથ ધરવામાં આવશે. છેલ્લી વસ્તી ગણતરી 2011 માં
હાથ ધરવામાં આવી હતી. પ્રક્રિયાની શરૂઆતની જાહેરાત કરતા, પ્રથમ તબક્કાને ઘર યાદી અને રહેઠાણ ગણતરી (ઇંકઘ) તરીકે ઓળખવામાં આવે છે,
જેમાં વસ્તી ગણતરી કરનારાઓ રહેઠાણની સ્થિતિ, કુટુંબ
રચના, પીવાના પાણીની ઉપલબ્ધતા, સ્વચ્છતા
સુવિધાઓ અને અન્ય સંપત્તિઓ વિશે માહિતી એકત્રિત કરશે.
