ભુજ, તા. 6 : વીતેલા
365 દિવસમાં
પશ્ચિમ કચ્છમાં સરેરાશ દર મહિને 2400થી વધુ દ્વિચક્રી અને865થી વધુ
કારની ખરીદી થઈ હતી અને આખા વર્ષ દરમ્યાન કુલ
46051 નવા વાહન માર્ગ પર દોડતાં થયાં હતા. ભુજ
આરટીઓ ખાતેથી પ્રાપ્ત આંકડાકીય વિગતો અને વાર્ષિક આવકના આંક અનુસાર રાજ્યની `કમાઉ' કચેરીમાં સ્થાન પામતી
અહીંની આરટીઓએ 178 કરોડ ઉપરાંતની આવક મેળવી હતી.
વાર્ષિક આવકમાં વધારો
આરટીઓમાંથી પ્રાપ્ત વિગતો અનુસાર
કચેરીએ વર્ષ 2025-26 દરમ્યાન કુલ 1,78,76,50,106ની
આવક મેળવી હતી જે નાણાકીય વર્ષ 2024-25ની તુલનાએ 2,63,46,123 રૂા.
વધુ છે. ગયા વર્ષના સમાનગાળામાં કચેરીએ 1,76,13,03,943
રૂા.ની આવક મેળવી
હતી. ભુજ આરટીઓની કુલ આવકમાં ડ્રાઈવિંગ લાયસન્સને લગતી કામગીરીમાંથી રૂા. 4,15,00,000 અને
વાહનને લગતી કામગીરીમાંથી રૂા. 1,74,61,106નો સમાવેશ થાય છે.
11 કરોડથી
વધુ મેમાની વસૂલાત બાકી
એ જ રીતે વર્ષ દરમ્યાન માર્ગ
વ્યવહારને લગતા નિયમોના ભંગ બદલ કુલ રૂા. 16,53,61,771ના ચલણ (મેમા) જારી કરવામાં
આવ્યા હતા, જેમાંથી
રૂા. 4,58,18,045ની રકમ કચેરીમાં ભરવામાં આવી હતી, જ્યારે હજુ પણ રૂા. 11,95,43,726ની
રકમ પડતર છે.
13 હજારથી
વધુ લાયસન્સ
આ ઉપરાંત નાણાકીય વર્ષના ગાળા
દરમ્યાન 27,132 નવાં લર્નિંગ લાયસન્સ જારી કરવામાં
આવ્યાં હતાં જયારે 13034 નવાં ડ્રાઈવિંગ લાયસન્સ ઈશ્યૂ થયાં હતાં.
46 હજારથી
વધુ વાહનની નોંધણી
કચેરીમાં કુલ 46051 નવાં વાહનોની નોંધણી થઈ હતી.
જેમાં સૌથી વધુ 29982 જેટલાં દ્વિચક્રીની નોંધણી થઈ હતી. જે
દર્શાવે છે કે લોકોની પરિવહન માટે આજે પણ દ્વિચક્રી સૌથી પહેલી પસંદગી રહી છે. આ
પછીનો નંબર કારનો આવે છે. લાઈટ મોટર વ્હીકલની શ્રેણીમાં આવતાં આ વાહનની નાણાકીય
વર્ષ દરમ્યાન નોંધાયેલી સંખ્યા 10388 રહી હતી.
ભુજ આરટીઓમાં કયાં વાહન,
કેટલાં નોંધાયાં ?
ફોર વ્હીલર 16
હેવી ગુડ્સ વ્હીકલ 1156
હેવી પેસેન્જર વ્હીકલ 03
લાઈટ ગુડ્સ વ્હીકલ 2104
લાઈટ મોટર વ્હીકલ 10388
લાઈટ પેસેન્જર વ્હીકલ 715
મીડિયમ ગુડ્સ વ્હીકલ 24
મીડિયમ પેસેન્જર વ્હીકલ 53
અન્ય 716
થ્રી વ્હીલર (ટ્રાન્સપોર્ટ) 873
ટુ વ્હીલર 29982
ટુ વ્હીલર (ટ્રાન્સપોર્ટ) 21
