ભુજ, તા. 27 : શહેરના એરપોર્ટ રોડ પર સંસ્કાર હોમ્સના એક બંધ
ઘરનાં તાળાં તોડી નોકિયા કંપનીના મોબાઇલની ચોરી થયાની ફરિયાદ નોંધાઇ છે. આ ચોરી
અંગે કુલદીપસિંગ શ્રીઅવિંદ્ર યાદવે આજે એ-ડિવિઝન પોલીસ મથકે નોંધાવેલી ફરિયાદ મુજબ
તે સંસ્કાર સ્કૂલ પાસે સંસ્કાર હોમ્સ પ્લોટ નં. ચારના મકાનમાં ભાડે રહે છે. મૂળ
જયપુર (રાજસ્થાન)ના એવા કુલદીપસિંગ ગત તા. 22/4ના ઘર બંધ કરી જયપુર ગયા હતા
અને આજે 27/4ના
સવારે પરત ફરતાં ઘરના મુખ્ય દરવાજાનું તાળું તથા ઇન્ટરલોક તૂટેલા હતા. સામાન
વેરવિખેર હતો. ઘરમાંથી રેડ મી કંપનીનો વાયર તથા નોકિયાનો મોડેલ નં. 106 કિં.રૂા.
3000ની
કોઇ અજાણ્યો ચોર ઇસમ ચોરી કરી લઇ ગયો હતો.
