શમા પરવીન નામની કન્યાને એન્ટિ ટેરેરિસ્ટ સ્ક્વોડે પકડી પાડી
છે, તેની સાથે જ અનેક રહસ્યો ખૂલી રહ્યા છે. આતંકવાદી
પ્રવૃત્તિ, હિંસાનો વેપાર ફક્ત `તે વર્ગના પુરુષોનો ઈજારો નથી' તેવું વધુ એકવાર સાબિત થયું છે. છેલ્લા બે દાયકામાં
આ ત્રીજી ત્રી છે જે આતંકવાદીના ફક્ત જૂથમાં છે. ધર્માંધતામાં ઓતપ્રોત આ લોકો માનવીય
મૂલ્યો, માનવતાના વિરોધી છે તે તો જૂની વાત છે, પરંતુ જે રીતે તેમની દુર્વૃત્તિ વિસ્તરી રહી છે તે વૈશ્વિક ચિંતાનો વિષય છે.
ભારત વર્ષોથી આ લડાઈ લડે છે. પાડોશી દેશ, આમ તો અહીંથી જ અલગ
થયેલો એક ભૂખંડ પાકિસ્તાન આતંકવાદીઓનું ઉદ્ભવસ્થાન અને આશ્રયસ્થાન છે તે જગજાણીતી વાત
છે. ભારત તેનો સૌથી વધારે ભોગ બન્યું છે. અત્યારે પણ સંસદમાં ઓપરેશન સિંદૂર ઉપર જ ઘમસાણ
ચાલી રહ્યું છે. વિશ્વ સ્તરે ચીન સહિતના દેશોની હાજરીમાં જ્યાં ભારત આતંકવાદને સત્તાવાર
રીતે પડકારી ચૂક્યું છે, પાકિસ્તાનની મુરાદ ખુલ્લી પડી ગઈ છે
ત્યારે જ એક યુવતી, નામે શમા પરવીન પકડાઈ છે તે સંયોગ છે અને
ભારતે વિશ્વમંચ ઉપર કરેલી વાત ખોટી નથી તેનો વધુ એક સજ્જડ પુરાવો છે. 23મી જુલાઈ, 2025ના દિવસે
અમદાવાદ, મોડાસા, દિલ્હી અને નોઈડામાંથી
એટીએસએ ચાર આતંકવાદી ઝડપ્યા તેમની પૂછપરછમાં શમા પરવીનનું નામ ખૂલ્યું હતું. એ.ટી.એસ.
સૂત્રોને એવી નક્કર માહિતી મળી છે કે, આ ચારેય સાથે તે સામેલ
છે એમ નહીં, પરંતુ ચારેય કરતાં પણ પરવીનની કક્ષા તેમની `વ્યવસ્થા' - કામમાં ઊંચી છે. `અલ કાયદા ઈન ઈન્ડિયા સબકોન્ટિનેન્ટ' સાથે આ બધા સંકળાયેલા છે. ચારેય આતંકીને ક્યાં
શું કરવું ? કેવી રીતે કોઈ કાંડને અંજામ આપવો? તેનું માર્ગદર્શન અને સૂચના શમા આપતી હતી. આતંકી પ્રવૃત્તિને વધુ વિસ્તારવી,
સંગઠન વધારવું, વધારે સભ્યોને પોતાનાં અધમ કૃત્યો
તરફ આકર્ષવા સહિતની તેની ભૂમિકા રહેતી. પોતાની કુવિચારધારાનો પ્રસાર તેનું મુખ્ય કામ
હતું. સોશિયલ મીડિયા ઉપર તેની સક્રિયતા તપાસનીશ અધિકારીઓને પણ ચોંકાવનારી નીકળી છે.
પાકિસ્તાનના સંપર્કો મળ્યા છે. હજી તપાસના અનેક પડ ભેદાવાના બાકી છે. શમા પરવીન આતંકનો
આધુનિક ચહેરો કે તબક્કો નથી. આ પૂર્વે 2004માં ઈશરત જહાંનું એન્કાઉન્ટર થઈ ચૂક્યું છે. સુમેરા મલેક પણ
આ શ્રેણીનું નામ છે. જેહાદથી યુવાનોના બ્રેઈનવોશ થાય છે, ઈસ્લામિક આતંકવાદ વિશ્વની મહાસત્તાઓ સામે પણ
મોં ફાડીને ઊભેલી સમસ્યા છે, તેનો ભોગ મોટા દેશો બન્યા પણ છે.
યુનાઈટેડ કિંગડમમાં તો તેનું પ્રમાણ આગામી દિવસોમાં વધશે તેવી ધારણા પણ માંડવામાં આવે
છે. આ નવી વાત નથી, પરંતુ હવે ત્રીઓ પણ આ કામમાં સક્રિય છે. સામાન્ય
રીતે મહિલાઓની સંવેદના વધારે હોય છે અને હિંસક પ્રવૃત્તિમાં તેમની સંડોવણી પુરુષની
સરખામણીએ ઓછી. આતંકવાદી પ્રવૃત્તિ તો સૌથી મોટી હિંસક બાબત છે તેમાં પણ યુવતીઓ-ત્રીઓનું
પ્રમાણ વધી રહ્યું છે. શમા કે સુમેરાના ચહેરા ઢંકાયેલા હોય, પરંતુ
આતંકવાદ ફેલાવનારાના ઈરાદાઓ ઉપરથી નકાબ હટી રહ્યો છે. હવે જનાનાઓ પણ અહીં સક્રિય છે.
