હૈદરાબાદ, તા. 26 : સૈયદ મુશ્તાક અલી ટ્રોફીના
પ્રારંભ સાથે જ સર્વિસીસ સામેની મેચમાં ગુજરાતના કેપ્ટન અને આઇપીએલ ટીમ સીએસકેના ફટકાબાજ-વિકેટકીપર
ઉર્વિલ પટેલે 31 દડામાં ઝંઝાવતી સદી ફટકારી
હતી. તેણે ભારત તરફથી ટી-20 ફોર્મેટમાં
બીજી સૌથી ઝડપી સદી કરી હતી. અભિષેક શર્મા અને ઉર્વિલ પટેલ જ સંયુક્ત રૂપે પહેલા સ્થાને
છે. તેમણે 28-28 દડામાં સદી કરી છે. ઉર્વિલ
પટેલ 37 દડામાં 12 ચોગ્ગા અને 10 છગ્ગાથી 119 રને અણનમ રહ્યો હતો. પહેલા
બેટિંગ કરનાર સર્વિસીસ ટીમે 20 ઓવરમાં 9 વિકેટે 182 રન કર્યા હતા. જવાબમાં ગુજરાત ટીમે 12.2 ઓવરમાં જ બે વિકેટે લક્ષ્ય
હાંસલ કરી લીધું હતું. ઉર્વિલની આતશી સદી ઉપરાંત આર્ય દેસાઇએ 3પ દડામાં 60 રન કર્યા હતા.
