મુંદરા, તા. 8 : અહીંના તપગચ્છ જૈન સંઘ ચિંતામણી પાર્શ્વનાથ જિનાલય ખાતે પંન્યાસ પ્રવચનકાર અંનત જ્ઞાનવિજયજી મહાત્મા આદિ ઠાણા-2નું ભવ્ય સામૈયું કરવામાં આવ્યું હતું. આ સાથે નગરમાં ધર્મમય માહોલ ઊભો થયો હતો. પાંજરાપોળથી પ્રસ્થાન થયેલાં સામૈયાની બસ સ્ટેશન, જવાહર ચોક, માંડવી ચોક થઈને જિનાલય ખાતે પૂર્ણાહુતિ થઈ હતી. આ પ્રસંગે મહારાજ સાહેબે માંગલિક ફરમાવતાં જણાવ્યું કે, મનુષ્ય જન્મ મળ્યો છે તો જીવનું કલ્યાણ કરો. સંઘનાં હરેશ મહેતા સહિતનાં ભાઈઓ - બહેનો મોટી સંખ્યામાં ઉપસ્થિત રહ્યા હતા. વ્યાખ્યાન રોજ સવારનાં 7-15થી 8-15 દરમ્યાન રહેશે, એમ વિનોદ મહેતાની યાદીમાં જણાવાયું છે.
