ભુજ, તા. 28 : બે
દિવસ પૂર્વે રાતે શહેરના લખુરાઈ ચાર રસ્તા પાસે બે વાહન સામસામે આવી જતાં સાઈડ
બાબતે થયેલા ઝઘડામાં છરી વડે હુમલો થયાની ફરિયાદની નોંધાઈ છે. આ અંગે બી-ડિવિઝન
પોલીસ મથકે અહેસાન અસરફ મેમણે નોંધાવેલી ફરિયાદ મુજબ તે ગત તા. 26/7ના
રાતે લખુરાઈ ચાર રસ્તા પાસે ગોપાલ કંપનીના માલનો છકડો લઈને માલ ભરવા જતો હતો, ત્યારે સામેથી
રોંગસાઈડમાં માલ વાહન ગાડી આરોપી સમીર અબ્દુલ કુંભાર લઈ આવતાં બોલાચાલી-ઝઘડો કરી
આરોપીએ ફરિયાદીને કાન પાછળ છરી વડે અને માથા-પેટમાં મૂઢમારની ઈજા પહોંચાડી જાનથી
મારી નાખવાની ધમકી આપેલી હતી. પોલીસે વિવિધ કલમો તળે ગુનો નોંધી કાર્યવાહી આદરી
છે.
