ભુજ, તા. 11 : લખપત તાલુકાના ઘડુલી પાસે ગત તા. 8/4ના પુરપાટ આવતા ડમ્પરે બાઇકને અડફેટે લેતાં અસ્થિભંગ સહિતની ઇજા બાઇકચાલકને થઇ હતી. આ અંગે ગઇકાલે દયાપર પોલીસ મથકે ઉમરસર લિગ્નાઇટ માઇન્સમાં સિક્યુરિટી ગાર્ડ તરીકે નોકરી કરતા ખીમજી કારૂભા જાડેજા (રહે. પુનરાજપર)એ નોંધાવેલી ફરિયાદ મુજબ તેઓ તા. 8/4ના પોતાની બાઇક નં. જી.જે. 12-ઇ.ડી. 8061વાળી લઇ લખતપ-ઘડુલી રોડ પર માઇન્સ તરફ જતા હતા, ત્યારે સામેથી પુરપાટ આવતા ડમ્પર નં. જી.જે. 12-બી.વાય. 7410વાળાએ બાઇકને ટાયરમાં ભટકાડતાં ફરિયાદી બાઇકચાલક ખીમજી જાડેજાને પગમાં ત્રણ ફ્રેક્ચર સહિતની ઇજા તથા બાઇકમાં રૂા. 15 હજારનું નુકસાન થયાની ફરિયાદ નોંધાવી છે.
