અમદાવાદ, તા. 2 : મુશ્તાક
અલી ટી-20 ટ્રોફીમાં સૌરાષ્ટ્ર ટીમને વધુ
એક હાર મળી છે. ચાર મેચમાં તેની આ ત્રીજી હાર છે. આથી એલિટ ડી ગ્રુપમાં સૌરાષ્ટ્ર ટીમ
સાતમા ક્રમે ફેંકાઇ ગઇ છે. સૌરાષ્ટ્ર સામે ઝારખંડનો 84 રને મહાવિજય થયો હતો. ઝારખંડના 8 વિકેટે 209 રનના
જવાબમાં સૌરાષ્ટ્રનો 1પ.1 ઓવરમાં 12પ
રનમાં ધબડકો થયો હતો. ઝારખંડ તરફથી કેપ્ટન અને વિકેટકીપર ઇશાન કિશને પ0 દડામાં 11 ચોગ્ગા
અને 3 છગ્ગાથી 93 રનની આક્રમક ઇનિંગ્સ રમી હતી. સૌરાષ્ટ્ર તરફથી ચેતન
સાકરિયાને 3 વિકેટ મળી હતી. 210 રનના વિજય લક્ષ્યનો પીછો કરતા સૌરાષ્ટ્ર ટીમ 12પ રન જ કરી શકી હતી. બન્ને ઓપનર હાર્વિક-જય ઝીરોમાં
આઉટ થયા હતા. પ્રેરક માંકડે 19 દડામાં
6 ચોગ્ગા-2 છગ્ગા
સાથે 39 રન કર્યા હતા. ઝારખંડ તરફથી અનુકુળ
રોયે 3 વિકેટ લીધી હતી.
