નવી દિલ્હી,
તા. 28 : શ્રીલંકાની
મહિલા ક્રિકેટ ટીમ ડિસેમ્બરના મધ્યમાં પાંચ મેચની ટી-20 શ્રેણી રમવા માટે ભારતના પ્રવાસે આવશે. આ સિરીઝ 21થી 30 ડિસેમ્બર
દરમિયાન રમાશે. જેની પહેલી બે મેચ વિશાખાપટ્ટનમ અને બાકીના ત્રણ મેચ તિરવંનથપૂરમ ખાતે
રમાશે. વન ડે વર્લ્ડ કપ જીત્યા બાદ ભારતીય મહિલા ટીમની આ પહેલી શ્રેણી હશે. આ શ્રેણી
પછી 9 જાન્યુઆરીથી નવી મુંબઇમાં ડબ્લ્યૂપીએલ
શરૂ થશે. ડિસેમ્બરમાં બાંગલાદેશ ટીમ ભારત પ્રવાસે 3 વન
ડે અને 3 ટી-20 મેચ રમવા આવવાની હતી. જો કે એ પ્રવાસ અનિવાર્ય સંજોગોને
લીધે મોકૂફ રખાયો હતો. આથી હવે શ્રીલંકા મહિલા ટીમ ભારત પ્રવાસે આવશે. તેની સામેના
પ ટી-20 મેચ આવતા વર્ષે રમાનાર ટી-20 વિશ્વ કપની તૈયારી માટે ઉપયોગી બની રહેશે. આ શ્રેણીમાં
સ્ટાર ઓપનર સ્મૃતિ મંધાના હિસ્સો બને છે કે નહીં તે નિશ્ચિત છે. તાજેતરમાં જ તેના સંગીતકાર
પલાશ મુચ્છલ સાથેના લગ્ન અંતિમ સમયે અટકી ગયા હતા. આ માટે બન્નેનો પરિવાર સ્મૃતિના
પિતાની નાદુરસ્ત તબિયતનો હવાલો આપી રહી છે. જો કે સોશિયલ મીડિયા પર સ્મૃતિ-પલાશના સંબંધ
વિશે વ્યાપક ચર્ચા ચાલી રહી છે.
