ખેલ મહાકુંભ : ચેસ સ્પર્ધામાં ભુજની છાત્રાએ મેદાન માર્યું

ભુજ, તા. 27 : રાજ્યસ્તરે શતરંજની સ્પર્ધામાં કચ્છનું હીર ઝળકાવનારી ભુજની બીએલબીએસ શાળાની નવમા ધોરણમાં અભ્યાસ કરતી `શિક્ષકપુત્રી' દિવાબા સંગ્રામસિંહ સોઢાએ ખેલ મહાકુંભમાં જિલ્લા સ્તરે અંડર-17 ચેસ સ્પર્ધામાં પ્રથમ સ્થાન મેળવ્યું છે. બેવાર રાજ્યકક્ષાએ કચ્છનું પ્રતિનિધિત્વ કરી ચૂકેલી દીવાબાએ કોઈ પણ જાતનાં પ્રશિક્ષણ વગર આ સફળતાઓ મેળવી છે. દીવાબાના પિતા સંગ્રામસિંહ સોઢા બાઉખા સરકારી શાળામાં શિક્ષક તરીકે ફરજ બજાવે છે અને અંગ્રેજી વ્યાકરણ તેમજ અંગ્રેજી સાહિત્ય પર સારું પ્રભુત્વ ધરાવે છે.