વિશાખાપટ્ટનમ, તા. 12 : ભારતીય મહિલા
ટીમની ઉપ કપ્તાન અને સ્ટાર બેટર સ્મૃતિ મંધાનાએ આજે વિશ્વ કપની ઓસ્ટ્રેલિયા સામેની
મેચમાં 80 રનની આકર્ષક ઈનિંગ રમીને વિક્રમોની
હારમાળા રચી હતી. તે એક કેલેન્ડર વર્ષમાં 1000 વન-ડે રન પૂરા કરનારી વિશ્વની પહેલી મહિલા બેટધર બની હતી. આ
ઉપરાંત સ્મૃતિ મંધાનાએ વન-ડે કારકિર્દીના પ000 રન પૂરા કર્યાં હતા. આ વિશેષ ઉપલબ્ધિ હાંસલ કરનારી તે ભારતની
બીજી અને દુનિયાની પાંચમી મહિલા બેટધર બની હતી. સ્મૃતિ મંધાના તેની 33મી અર્ધસદી કરીને 80 રને આઉટ થઇ હતી. તેણે એક કેલેન્ડર
વર્ષમાં 1000 વન-ડે રન પૂરા કર્યાં હતા.
આ પહેલાં એક કેલેન્ડર વર્ષમાં સૌથી વધુ રનનો વિક્રમ ઓસ્ટ્રેલિયાની બેલિંડા કલાર્કના
નામે હતો. તેણે 1997માં 970 રન કર્યાં હતા. આ ઉપરાંત 29 વર્ષીય સ્મૃતિ વન-ડેમાં પ000 રન કરનારી સૌથી યુવા મહિલા
બેટર બની છે. તેણે 112મી ઇનિંગ
અને પપ69 દડાનો સામનો કરીને આ પરાક્રમ
કર્યું છે. ન્યુઝીલેન્ડની સુઝી બેટસે 6182 દડામાં પ000 રન પૂરા કર્યાં
હતા. સ્મૃતિએ ઓસ્ટ્રેલિયા સામે સતત પાંચમી વન-ડે મેચમાં પ0થી ઉપર રન બનાવ્યા હતા.
