• રવિવાર, 30 નવેમ્બર, 2025

આવડના દેવડ સાથે સંપર્કમાં રહેશું, તો ચેતના જાગૃત બનશે

કાઠડા (તા. માંડવી), તા. 29 : કાઠડા ગામે આદ્યશક્તિ આઇ  આવડ મા નૂતન મંદિરના પુન: પ્રાણપ્રતિષ્ઠા મહોત્સવના દ્વિતીય દિવસે પ્રથમ સત્રમાં ગામની ફરતે શોભાયાત્રા-જલયાત્રા નીકળી હતી, જેમાં ચારણી પહેરવેશ અને બળદ, અશ્વ સાથે માતાજીના રથથી ગામને ફરતે ધારાવહી અપાઇ હતી. બીજા સત્રમાં યોજાયેલી ધર્મસભામાં શ્રીમદ જગદગુરુ શાંતિદાસજી મહારાજે આશીર્વચન પાઠવતાં જણાવ્યું હતું કે, આવડના દેવડ સાથે સંપર્કમાં રહીશું, તો ચેતના જાગૃત બનશે. હિંગરિયા આશ્રમ મહંત કલ્યાણદાસજી બાપુ, બિબ્બરના જગજીવનદાસજી મહારાજે આશીર્વચન પાઠવતાં જણાવ્યું હતું કે, મંદિરો સનાતન ધર્મને મજબૂત બનાવી રહ્યા છે, પણ એ માટે આપણી પણ ફરજ છે કે જાગૃત બની અને ભક્તિને આચરણમાં ઉતારવી જોઇએ. મહામંડલેશ્વર કાદિયા આશ્રમના દિવ્યાનંદહરિજી મહારાજે ભજન-ભક્તિથી ગૂંજતો કાઠડા ગામનો ધૂણો અખંડ રહે તેવું કહ્યું હતું. આવડધામ વિજપાસર-મંગવાણાના હાંસબાઇ માતાજીએ આશીર્વચનો પાઠવ્યાં હતાં. રતડિયાથી આઇ ધનબાઇ મા, ભાણબાઇ મા, ભાડિયાના કમળા મા સહિત માતાજીઓએ આશીર્વચનો પાઠવ્યાં હતાં. ધર્મસભા બાદ મંદિરના વિવિધ ચડાવા લેવાયા હતા, જેમાં ધજા-શિખરનો ચડાવો રૂા. 1,95,000/- શિવરાજ સાખરા, યોગેશ રતન સાખરા, આરતીનો ચડાવો રૂા. 1,01,000/-, જીવિકાબેન જીતેન્દ્ર પાસ્તા, પ્રથમદ્વાર ઉદ્ઘાટન રૂા. 81,000/- જેતબાઇબેન મેઘરાજ સાખરા દ્વારા લેવાયા હતા. વિવિધ ચડાવાનું સંચાલન શ્યામશાત્રી ભાડિયાએ કર્યું હતું. કાર્યક્રમમાં અખિલ કચ્છ ચારણ સભાના પ્રમુખ કરશનભાઇ ગઢવી, પૂર્વ પ્રમુખ વિજયભાઇ કે. ગઢવી, રામકૃષ્ણ કાઠડાના મુખ્યદાતા કાનજીભાઇ રાબડિયા (ગજકુમાર), ઉપપ્રમુખ કાનજીભાઇ ગઢવી, ડો. બળવંત ગઢવી, આશાનંદભાઇ ગઢવી, વિશ્રામભાઇ, ધારાશાત્રીઓ દેવાયતભાઇ ગઢવી, ગણેશદાન ગઢવી, કાનજીભાઇ ગઢવી, વરજાંગભાઇ ગઢવી (ભાડા), પુનશીભાઇ ગઢવી, ગજણભાઇ ગઢવી, તા.પં. સદસ્ય બળવંતસિંહ જાડેજા, દિલીપસિંહ ચાવડા સહિતના અગ્રણીઓના સન્માન કરાયાં હતાં. ભીમશી મુરૂ, કમલેશ દેવરાજ ગઢવીનું વિશિષ્ટ સન્માન કરાયું હતું. મહાપ્રસાદના સોનલ શક્તિ ક્રિકેટ ગ્રુપ તથા સાંજે મહાપ્રસાદના દાતા સ્વ. દેવાંધભાઇ રાજિયા તથા તૃતીય દિવસ બપોરના મહાપ્રસાદના દાતા ભારૂભાઇ લાખાણી, સાંજના મહાપ્રસાદના દાતા ગોપાલભાઇ લાખાણી પરિવારનું સન્માન કરાયું હતું. હિંગરિયાથી ધર્મેન્દ્રસિંહ જાડેજા, ગજુભા સોઢા, કવિ માણેક થાર્યા, નાગાજણભાઇ ગઢવી, મેઘરાજભાઇ ગઢવી, ધનરાજભાઇ ગઢવી, તલાટી રાણશીભાઇ ગઢવી, રાઘવદાન ગઢવી, તા.પં. સદસ્ય રતન ગઢવી, કાઠડા સરપંચ સોનલબેન ગઢવી વગેરે અગ્રણી જોડાયા હતા. સંચાલન કાઠડા ચા. સમાજ પ્રમુખ દેવાંગભાઇ ગઢવીએ કર્યું હતું. રાત્રે પુનશીભાઇ ગઢવી, શૈલેષ મારાજ, હરિઓમ ગઢવી દ્વારા સંતવાણી યોજાઇ હતી. સંતવાણીમાં વિરાણીના સુરેશદાસજી બાપુ, મુકુંદદાસજી મહારાજ તથા વિવિધ સમાજના અગ્રણીઓ જોડાયા હતા. તા. 30 રવિવારના માતાજીની પ્રાણપ્રતિષ્ઠા વિધિ તથા બપોર બાદ ઉમેશ બારોટ, પૂનમબેન ગઢવી દ્વારા રાસ-ગરબા યોજાશે. 

Panchang

dd