નખત્રાણા, તા. 28 : મૂલ્યો, નૈતિકતા અને આદર્શોના બીજારોપણ સમી ભારતીય સંસ્કૃતિ જ્ઞાન પરીક્ષા અખિલ વિશ્વ
ગાયત્રી પરિવાર, શાંતિકુંજ હરિદ્વાર દ્વારા યોજાય છે. અખિલ વિશ્વ ગાયત્રી પરિવાર દ્વારા વર્ષ
2001 થી કચ્છમાં
આ પરીક્ષા યોજાય છે. આ પરીક્ષા ધોરણ પાંચથી લઈને કોલેજના બીજા વર્ષ સુધીના વિદ્યાર્થીઓ
માટે લેવામાં આવે છે. આ વર્ષે સમગ્ર કચ્છમાં ગુજરાતી, હિન્દી અને અંગ્રેજી - ત્રણેય માધ્યમમાં પરીક્ષા યોજાઈ હતી. સારસ્વતમ્ સંચાલિત
પી.એ. હાઇસ્કૂલ, નિરોણાએ આ
ભારતીય સંસ્કૃતિ જ્ઞાન પરીક્ષામાં નખત્રાણા તાલુકા કક્ષાએ શ્રેષ્ઠ પરિણામ નોંધાવી
શાળાનું ગૌરવ વધાર્યું છે. કુલ સાત વિદ્યાર્થીએ એકથી ત્રણ ક્રમ મેળવતાં શાળાએ તાલુકામાં
સર્વોત્તમ સ્થાન હાંસલ કર્યું છે. ધોરણ 10માં
મનીષાબા ધીરુભા સોઢા - પ્રથમ, હેતલ રવજી આયર - ત્રીજું સ્થાન,
ધોરણ 11માં
નીતા ગુણવંતભાઈ ચારોલિયા -પ્રથમ, વંશી નિતીનભાઈ ભાનુશાલી - દ્વિતીય,
ધોરણ 12માં
કોમલ શામજી આહીર-પ્રથમ, કંચન હરિલાલ ગરવા -દ્વિતીય અને રિદ્ધિ
અરાવિંદભાઈ મહેશ્વરી - ત્રીજું સ્થાન પ્રાપ્ત કર્યું હતું. શાળાના ટ્રસ્ટીઓ, આચાર્ય ડૉ.
વિષ્ણુભાઈ ચૌધરી, નખત્રાણા તાલુકા પરીક્ષા સંયોજક તથા અલ્પેશ
જાની સહિતે દેખાવ કરનારા વિદ્યાર્થીનીઓને અભિનંદન પાઠવ્યા હતા.
