નવી દિલ્હી,
તા. 28 : ચક્રવાતી
તોફાન સેન્યાર સતત નબળુ પડી રહ્યું છે. પણ બંગાળની ખાડીમાં વધુ એક ચક્રવાત દિતવાહ શ્રીલંકાને
ધમરોળ્યા બાદ હવે તામિલનાડુ તરફ આગળ વધી રહ્યું છે. 29 અને 30 ડિસેમ્બરે
તોફાની વરસાદની આગાહી છે. તામિલનાડુ અને આંધ્રપ્રદેશમાં સરકારે સતર્કતાની સમીક્ષા કરી
હતી. દિતવાહની અસર ભારતના દક્ષિણી રાજ્યોમાં જોવા મળી શકે છે. શ્રીલંકામાં ચક્રવાતી
તોફાનના કારણે સતત ભારે વરસાદ થઈ રહ્યો છે
અનેભૂસ્ખલનથી સ્થિતિ વધુ વણસી રહી છે. દેશભરમાં તોફાનના કારણે અત્યારસુધીમાં 61 લોકો જીવ ગુમાવી ચૂક્યા છે. જ્યારે 600થી વધારે ઘરોને ઘણું નુકસાન થયું છે. સ્થિતિને ધ્યાને
લઈને સરકારે તમામ સરકારી કચેરીઓ અને શાળાઓને બંધ રાખવાનો નિર્ણય કર્યો છે. ગત સપ્તાહથી
જ શ્રીલંકા ખરાબ હવામાનનો સામનો કરી રહ્યું છે. જો કે ગુરુવારે થયેલા મુસળધાર વરસાદે
તબાહી મચાવી દીધી હતી. ભારે વરસાદના કારણે ઘણી જગ્યાએ ઘર, સડકો અને ખેતરો પાણીમાં ડૂબી ગયા હતા. વધુમાં ભૂસ્ખલનની ઘટનાઓ પણ બની હતી. સૌથી વધારે તબાહી બદુલ્લા
અને નુવારા એલિયાના હાડી વિસ્તારમાં જોવા મળી હતી. જ્યાં ગુરુવારે જ 25 લોકો જીવ ગુમાવી
ચુક્યા હતા. આ બન્ને ક્ષેત્રમાં હજીપણ 21 લોકો
લાપતા છે અને 14ને ઈજા પહોંચી છે. દેશના અન્ય
હિસ્સામાં પણ ભૂસ્ખલનના કારણે ઘણા લોકોએ જીવ ગુમાવ્યો છે. નદીઓ પણ જોખમી સ્તરની ઉપર
વહી રહી છે અને મુખ્ય રસ્તાઓમાં અડચણ ઉભી થઈ છે.
