તુર્કીએ છેડયો કાશ્મીર રાગ

અંકારા, તા. ર8 : ઓપરેશન સિંદૂર દરમિયાન ઇસ્લામિક ભાઈચારાના નામે પાકિસ્તાનને ખુલ્લેઆમ ટેકો આપનાર તુર્કીયેએ ભારત વિરોધી ઝેર ઓક્યું છે. કાશ્મીર મુદ્દે પાકિસ્તાનનો પક્ષ લેનારા એર્દોગન વહીવટીતંત્રે ફરી એકવાર પોતાનું વલણ સ્પષ્ટ કર્યું છે. અંકારામાં બજેટ સત્ર દરમિયાન તુર્કીના વિદેશ પ્રધાન હકન ફિદાનએ કાશ્મીરનો ઉલ્લેખ કરીને ભારત વિરોધી નિવેદન આપ્યું હતું.  અંકારાના 2026ના સંસદીય બજેટની રજૂઆત દરમિયાન વિદેશ પ્રધાન હકને દક્ષિણ એશિયામાં પ્રાદેશિક વિવાદોને સંબોધતા કાશ્મીર મુદ્દો ઉઠાવ્યો હતો. તેમણે કહ્યું કે આ મુદ્દો આંતરરાષ્ટ્રીય કાયદા અને વાતચીતના આધારે ઉકેલવો જોઈએ. આ નિવેદન ભારતના વલણથી સંપૂર્ણપણે વિપરીત છે. ભારતે સતત કહ્યું છે કે કાશ્મીર પર કોઈ વિવાદ નથી અને તે ભારત અને પાકિસ્તાન વચ્ચેનો મામલો છે.