અંજારમાં આંકડા લખતો શખ્સ પોલીસ હાથે ઝડપાયો

ગાંધીધામ, તા. 29 : અંજારના ટાઉનહોલ પાસે જાહેરમાં લોકો પાસેથી આંકડો લેતા શખ્સને પોલીસે પકડી પાડયો હતો, તેની પાસેથી આંકડાનું સાહિત્ય જપ્ત કરાયું હતું. અંજારના ટાઉનહોલ પાસે ઊભા રહી એક શખ્સ લોકો પાસેથી આંકડા લેતો હોવાની પૂર્વ બાતમીના આધારે પોલીસ આજે સાંજે અહીં દોડી આવી હતી. પોલીસને જોઇ નાસવા જતા પન્ટર એવા જિતેન્દ્ર જયંતીલાલ ઠક્કરને ઝડપી લેવામાં આવ્યો હતો. આ શખ્સ પાસેથી આંકડાનું સાહિત્ય તથા રોકડ રૂા. 1000 જપ્ત કરાયા હતા. આ શખ્સ ઉપર આંકડા કોને આપતો હતો તે બહાર આવ્યું નહોતું.