સામખિયાળીમાં બે જણનો યુવાન ઉપર છરી વડે હુમલો

ગાંધીધામ, તા. 28 :  ભચાઉ તાલુકાનાં સામખિયાળીમાં બે જણે યુવાન ઉપર છરી વડે હુમલો કર્યો હોવાનો મામલો પોલીસ દફતરે નોંધાયો હતો. જંગીમાં રહેતા નવિનભાઈ બાબુભાઈ પાયણા(મણકા)એ ભાવેશ ઉર્ફે ભરત રાયધણ મણકા અને હમીર ઉર્ફે પપલો રાયધણ મણકા વિરુદ્ધ ગુનો નોંધાવ્યો હતો. પોલીસ સૂત્રોએ જણાવ્યું હતું કે, પી.બી. છાડવા હાઈસ્કૂલના પાછળના ભાગે ચાર રસ્તા ઉપર ફરિયાદી પોતાની ગાડી લઈને ઊભા હતા, દરમ્યાન બંને આરોપીએ અમારા વિરુદ્ધ પોલીસ સ્ટેશનમાં અરજી આપવા મુદ્દે બોલાચાલી કરી હતી. છરી વડે હુમલો કરવા સાથે ઝપાઝપી કરી હતી. વધુમાં આરોપીઓએ જાનથી મારી નાખવાની ધમકી આપી હોવાનુ પણ ફરિયાદમાં વર્ણવામાં આવ્યું છે.