ગાંધીધામ, તા. 28 : ભચાઉ
તાલુકાનાં લાકડિયા વિસ્તારમાં આવેલી પવનચક્કીઓને તસ્કરોએ નિશાન બનાવી રૂા. 91 હજારની કિંમતના કોપર વાયરની ચોરી કરી હતી. ચોરીનો આ
બનાવ ગત તા.19/11ના રાત્રે
12.30થી સવારે 6.30 વાગ્યા સુધીના અરસામાં બન્યો હતો. આ અંગે જય પાબુદાદા સિકયોરિટી સર્વિસના ચોકીદાર દામાભાઈ
નાયાભાઈ ચાડ (આહીર)ની ફરિયાદને ટાંકીને પોલીસે જણાવ્યું હતું કે, અજાણ્યા શખ્સે વનરાજ એગ્રો કંપનીની પવનચક્કી નંબર જે.કે. 0101માંથી ટ્રાન્સફોર્મર ખોલી એક લાખ કરતાં વધુનું નુકસાન
પહોંચાડીને 150 કિલોગ્રામ
કોપર વાયર કિં રૂા. 75 હજારની
ચોરી કરી હતી, તેમજ એલિકોન કંપનીની પવનચક્કી નંબર-2માં પણ દરવાજાનું
તાળું તોડીને જીવંત કોપર કેબલ 80 મીટર
કિં. રૂા. 16 હજારની ચોરી કરી અને 11 લાખ કરતા વધારે નુકસાન પહોંચાડયું હતું. આ અંગે પોલીસે
વધુ તપાસ આરંભી છે.
