લાજ લેવાના કેસમાં કુકમાના આરોપીના આગોતરા નામંજૂર

ભુજ, તા. 14 : તાલુકાના કુકમા ગામના મહિલા પોલીસ કોન્સ્ટેબલ પર ભુજોડી પાસે થયેલા લાજ લેવાના તથા ખૂનના પ્રયાસના ગુનામાં સંડોવાયેલા આરોપી અનિલકુમાર બેચરભાલ મારૂની આગોતરા જામીન અરજી ભુજની સેશન્સ અદાલતે નામંજૂર કરી હતી. આ કેસમાં આરોપી અનિલકુમારે ફરિયાદી સાથે સંબંધ રાખવાના મામલે બોલાચાલી કરી લાજ લેવા તથા તેના પર વાહન ચડાવી જાનથી મારી નાખવાનો પ્રયત્ન કર્યો હોવાનો આરોપ મુકાયો હતો. આરોપીએ આ મામલે આગોતરા જામીન મેળવવા કરેલી અરજી અદાલતે ગુનાની ગંભીરતાને ધ્યાને લઈ નામંજૂર કરી હતી. આ કેસમાં મૂળ ફરિયાદી વતી વરિષ્ઠ ધારાશાત્રી આર. એસ. ગઢવી, વિનીત જી. ચૌધરી, વિશ્વા એન. પરમાર તથા શિવમ બી. સોલંકી હાજર રહ્યા હતા.