નેત્રાના મુસ્લિમ કબ્રસ્તાન ખાતે ઈશાપીરની દરગાહની પાયાવિધિ

નેત્રાના મુસ્લિમ કબ્રસ્તાન ખાતે ઈશાપીરની દરગાહની પાયાવિધિ
નેત્રા (તા. નખત્રાણા), તા. 10 : નેત્રા ગામે મુસ્લિમ કબ્રસ્તાન ખાતે ઈશાપીરની દરગાહની ગુલામ મુસ્તફા સૈયદ (દયાપર) દ્વારા પાયાવિધિ કરાઈ હતી. ત્યારબાદ ચાદર ચઢાવીને ભાઈચારા અને કોમી એકતા માટે દુવા કરાઈ હતી. પ્રાસંગિક ઉદ્બોધનમાં તેમણે આવા પીર અને ઓલિયાઓ માટે કરાતા આયોજનોને વધાવીને જીવનમાં સારા કાર્યો કરતા રહેવાની નેમ વ્યક્ત કરી હતી. સૈયદ કાદરછા (નાસિરભાઈ ચરોપડી)એ આવા સારા કાર્યો કરતા રહો તેવી શુભેચ્છા પાઠવી હતી. જિ.સા. ન્યાય સમિતિના ચેરમેન વસંતભાઈ વાઘેલાએ યુવાનોના આવા કાર્યક્રમને બિરદાવીને યુવા સમિતિને પ્રોત્સાહિત કર્યા હતા અને પોતાની ગ્રાન્ટમાંથી બે લાખની ફાળવણી કરી હતી. રાજુભાઈ પલણે આવા શ્રેષ્ઠ કાર્યો માટે હંમેશ મદદ કરવાની ખાતરી આપી હતી અને નેત્રાથી રવાપર તથા નેત્રાથી ટોડિયા ફાટક અને હાજીપીર માર્ગનું કામ તાત્કાલિક શરૂ કરવાનું આશ્વાસન આપ્યું હતું. આ પ્રસંગે વૈદ્ય ઈશાભાઈ કુંભાર, મામદભાઈ કુંભાર, હરિભાઈ ચારણ, કરસનજી સોઢા, માધવજી નાથબાવા, વિજયસિંહ જાડેજા, જિગર જોષી, આમદભાઈ જત, મુબારકભાઈ કુંભાર (નખત્રાણા), ગુલામભાઈ બારાચ, ઉંમરભાઈ કુંભાર (રામપર સરવા), હાજી નૂરમામદ ચાકી, ઓસમાણ સાટી, જુસબછા સૈયદ, હારૂનછા સૈયદ, હૈદરછા સૈયદ, મામદભાઈ કાઠી, અલીમામદ કાઠબાભણ, હાજી જુસબ ખત્રી સહિત હિન્દુ મુસ્લિમ સમાજના અગ્રણીઓ, નેત્રા મુસ્લિમ સમાજના અગ્રણીઓ, નેત્રા મુસ્લિમ યુવા સમિતિના રાજકીય તથા સામાજિક અગ્રણીઓ ઉપસ્થિત રહ્યા હતા તેવું યુવા સમિતિના પ્રમુખ હારૂનભાઈ કુંભારે જણાવ્યું હતું.

© 2019 Saurashtra Trust

Developed & Maintain by Webpioneer