કચ્છી નવા વર્ષે દૂરદર્શન પર વિશેષ કાર્યક્રમ આવઈ આષાઢી બીજ

કચ્છી નવા વર્ષે દૂરદર્શન પર  વિશેષ કાર્યક્રમ આવઈ આષાઢી બીજ
ચોબારી, (તા. ભચાઉ), તા. 11 : આષાઢી બીજ કચ્છી નવા વર્ષે તા. 14/7ના શનિવારે સવારે 8 કલાકે અમદાવાદ દૂરદર્શન કેન્દ્ર ડી. ડી. ગિરનાર પરથી  કચ્છી નવા વર્ષે `આવઈ આષાઢી બીજ' શીર્ષક હેઠળ લોકસંગીતનો વિશેષ કાર્યક્રમ યોજાશે.  દૂરદર્શનના કાર્યક્રમ અધ્યક્ષ ડો. રૂપા મહેતાનાં માર્ગદર્શન હેઠળ ડો. સુનીલ ઓઝાએ  નિર્માણ કરેલા આ કાર્યક્રમમાં  કચ્છી કલાકારો અંજારના અનિલભાઈ ગજ્જર, ચોબારીના રામજી મેરિયા અને ખડીરની લોકગાયિકા ગીતા ભીલ, ઉપરાંત જોડિયા પાવા પર નૂરમામદ સોઢા, તબલા પર કિશોર જેઠવા અને મંજીરા પર બાબુભાઈ મિત્રીએ સાથ આપ્યો છે.  આ કલાકારોને દૂરદર્શનની ડીડી-ગિરનાર પર નિહાળી શકાશે. કચ્છી નવા વર્ષે દૂરદર્શન કેન્દ્ર પણ કચ્છને મહત્ત્વ આપી વિશેષ કાર્યક્રમ પ્રસ્તુત કરવા બદલ માજી નાણામંત્રી અને લોકસંગીતપ્રેમી બાબુભાઈ મેઘજી શાહે ડો. રૂપા મહેતાને અભિનંદન આપ્યા હતા. ડીડી ગિરનાર ભગવાન જગન્નાથજીની રથયાત્રાનું જીવંત પ્રસારણ શનિવારે  14મી તારીખે આષાઢી બીજના કરી રહી છે ત્યારે તેની વચ્ચે આ કચ્છી કાર્યક્રમ દ્વારા કચ્છને પણ યાદ કર્યું છે. 

© 2018 Saurashtra Trust

Developed & Maintain by Webpioneer